Во 22. коло од Бундес лигата, Мартин Томовски, Филип Кузмановски и Филип Талески имаа настапи со своите екипи.
Единствен кој успеа да избегне пораз беше Филип Кузмановски кој со Магдебург пред своите гледачи одигра нерешено со Хановер 30:30. Со овој резултат Магдебург испушти шанса против директниот конкурент Хановер да ја преземе третата позиција на табелата.
Репрезентативецот на Македонија доби задачи во одбраната и одлично ги исполни, а играше и во напад, но не успеа да реализира.
Филип Талески на домашен терен претрпе нов пораз овој пат од екипата на Лемго со 29:31. Левиот бек на репрезетнациајта на Македонија постигна два гола од четири обиди.
Мартин Томовски со Лудвигсхафен убедливо загуби на домашен терен од Фуксе Берлин со 19:27. Томовски доби петнаесетина минути шанса на голот и забележа две интервенции.
На другите натпревари Мелсунген направи изненадување и славеше на гостувањето кај Рајн Некар со 33:30. Шампионот Фленсбург стигна до тешка победа на гостувањето кај Бергишер.
ГЕРМАНИЈА, БУНДЕС ЛИГА
РЕЗУЛТАТИ ОД 22. коло
Рајн Некар – Мелсунген 30:33 (15:16)
Магдебург – Хановер 30:30 (16:13)
Бергишер – Фленсбург 20:21 (10:9)
Балинген – Лемго 29:31 (15:16)
Лудвигсхафен – Фуксе Берлин 19:27 (9:11)
