Најавуван за крајот на август во Скопје, машкиот ракометен Супер куп сепак ќе се одигра во првата половина на следниот месец, за што се договорија двата клуба, Вардар и Еурофарм Пелистер, и РФМ. Договорениот термин е 11 септември, а повеќе од сигурно е дека домаќин ќе биде Охрид и салата „Билјанини Извори“.
Една од опциите што била понудена од страна на РФМ била и Гевгелија, но двата клуба го одбиле тој предлог. Втората опција била Охрид, и за таму двата клуба дале позитивно мислење. Во понеделник треба и градот Охрид да се изјасни за предлогот, но повеќе од сигурно е дека тој ќе биде прифатен.
Претходно Ракометната федерација на Македонија се обратила до двата клуба со предлог натпреварот да се игра на отвореното игралиште „Камин Кама“ во Ѓорче Петров и да биде дел од женскиот турнир што го организира шампионот Ѓорче Петров од 26 до 28 август.
Клубовите се изјаснија дека тој терен е нессодветен з атакво натпревар, и особено тој термин бидејќи двете екипи се подготвуваат за настап во четвртфиналето на СЕХА лигата и им ареални шанси и двата тима да играат на завршниот Ф4 во Задар.
Суперкуп на Македонија, историја:
2017 година Вардар – Еурофарм Пелистер 30-25 (СЦ Јане Сандански)
2018 година Вардар – Металург 33-24 (Отворено игралиште Горан Попоски Бабец)
2019 година Вардар – Металург 26-24 (Спортска сала Куманово)
2021 година Еурофарм Пелистер – Вардар 31-22 (СЦ Борис Трајковски)
ПОВРЗАНИ ВЕСТИ
