Претседателот на полскиот шампион Келце, Бертус Сервас, денеска на прес-конферецнија го соопшти името на новиот спонзор на клубот.
Станува збор за најголемата пиварница во Полска, Browar Lomza, а клубот во иднина ќе се вика Ломза Виве Келце.
Договорот е потпишан на четири сезони, до крајот на 2023/2024 година.
Клубот претходно го носеше името ПГЕ Виве Келце, но остана без двата главни спонзори, компаниите ПГЕ и Виве во јуни и јули.
Сепак, нема повеќе неизвесност околу иднината на полскиот првак, па ракометарите може да се посветат само на ракомет.
Келце ќе биде ривал на Вардар во групната фаза од Лигата на шампионите.
ПОВРЗАНИ ВЕСТИ
