Денеска и утре вкупно шест репрезентации кои не играа на Европското првенство ќе се најдат во бараж натпревари за пласман во квалификациите за Европското првенство во 2022 година.
Оние коишто се со најслаб рејтинг мораат да играат во оваа фаза, па само три ќе се најдат со можност да играат уште средби и да дојдат до пласман во групната фаза каде ќе има место за 32 репрезентации од кои 20 ќе завршат на следниот шампионат.
Први на терен ќе излезат Белгија и Кипар кои вечерва ќе имаат пресметка, додека утре играат Грузија против Финска и Луксембург против Естонија. Реваншите се планирани за 19 јануари кога ќе бидат познати трите селекции кои ќе се приклучат во групната фаза.
Следното Европско првенство се одржува во Унгарија и Словачка, а покрај овие две селекции уште две ќе обезбедат директно место, а тоа ќе бидат финалистите на овој шампионат.
БАРАЖИ ЗА КВАЛИФИКАЦИИ ЗА ЕП 2022
СРЕДА, 15 ЈАНУАРИ
20:10ч
БЕЛГИЈА – КИПАР
ЧЕТВРТОК, 16 ЈАНУАРИ
16:00ч
ГРУЗИЈА – ФИНСКА
19:30ч
ЛУКСЕМБУРГ – ЕСТОНИЈА
РЕВАНШ ДУЕЛИ
НЕДЕЛА, 19 ЈАНУАРИ
12:45ч
ЕСТОНИЈА – ЛУКСЕМБУРГ
15:00ч
ФИНСКА – ГРУЗИЈА
16:00ч
КИПАР – БЕЛГИЈА
ПОВРЗАНИ ВЕСТИ
