Репрезентацијата на Македонија се пласираше на Светското првенство кое ќе се игра на почетокот на 2023 година во јануари. Во баражот прво ги елиминиравме Романците, а потоа Чесите.
Чешка можеби и самата се сметаше за фаворит во финалниот бараж, но на крајот Македонија беше подобра во двомечот и го обезбеди билетот за ново големо натпреварување. Поразот од Македонија на сите во Чешка тешко им падна, а дека е така потврдува и последната изјава на корпулентниот Станислав Кашпарек.
Новиот ракометар на Динамо Букурешт, во интервју за сајтот на чешката федерација, покрај за трансферот во Романија, говореше и за националниот тим и призна дека поразот од Македонија и неуспехот во баражот се уште ги боли.
„Боли поразот од Македонија, се уште е свежа елиминацијата. Бевме фаворити, имавме голема желба да се пласираме на Мундијалот и повторно да донесеме напредок за чешкиот ракомет. За жал не успеавме“, изјави Кашпарек.
Инаку, Чешка после елиминацијата се обидува до Светското првенство да стигне со вајлд-карта, тие се една од репрезентациите кои веќе испратија такво барање до ИХФ.
Македонија ги елиминираше, сега бараат вајлд-карта за Мундијалот!
ПОВРЗАНИ ВЕСТИ
