Исланд без интернационалки во квалификациите против Македонија (ФОТО)

Женската селекција на Исланд во Македонија ќе допатува со ростер составен од ракометарки кои играат во домашниот шампионат за претстојниот квалификациски турнир за место во бараж натпреварите за Светско првенство во Шпанија.

Иако одреден број на ракометарки од Исланд играат низ Скандинавија, селекторот Арнар Петурсон, реши главно шанса да им даде на ракометарките од првите три водечки екипи од островската земја.

Во селекцијата на Исланд ќе биде и искусното трио ракометарки – Кнутсдотир, Харалсдотир и Јонсдотир, кои долги години играа во странство, но оваа сезона се дел од исландски клубови.

Исланд е противник на нашата селекција и директен конкурент за првото место на турнирот кој ќе се одигра од 19 до 21 март во СЦ „Борис Трајковски“. На турнирот ќе учествуваат и репрезентациите на Грција и Литванија.