Изминатиот викенд еден од натпреварите од 5 коло во машката кадетска лига не го дочека својот крај.
Дуелот во Велес меѓу домашниот тим Борец и КЛ7 Свети Николе, беше прекинат во 36 минута од страна на судиите Божидар Јованов и Пепи Димков, како и делегатот Тодор Јосмов.
При резултат 16:14 и напад на домашниот тим, тренерот на екипата од Свети Николе реагираше на една судиска одлука.
Имаше еден приговор, па уште еден и судиите се решија за црвен картон. Тренерот тргна на терен да се пресметуваа со нив, но играчите и стручните штабови спречија поголем инцидент.
Имаше прекин од неколку минути, и откако се смирија страстите, официјалните лица го прекинаа натпреварот, па дисциплинците на РФМ ќе имаат многу работа.
Погледнете што се случи во видео прилогот што го објави порталот „Батали“…
ПОВРЗАНИ ВЕСТИ
