Репрезентацијата на Израел го освои трофејот на ЕХФ шампионатот за младинци, на кој нашиот источен сосед беше домаќин, откако во финалето ја совлада Романија со 38:36.
Победникот беше одлучен на пенали, бидејќи регуларниот дел од натпреварот заврши нерешено, 33:33 (17:17), иако репрезентацијата на Израел во неколку наврати во последните десет минути водеше од три до пет гола разлика.
Со освоеното прво место, ракометарите на Израел ќе играат во квалификациите за пласман на Светското младинско првенство 2023.
Во натпревар за трето место, Швајцарија беше подобра од нашиот јужен сосед, триумфираше со 26:23 (10:12). Ракометарите на Швајцарија победата ја обезбедија со пресврт во вторите 30 минути.
Репрезентација на Македонија го заврши настапот на ЕХФ шампионатот на петтата позиција, откако славеше против Украина со 26:23 (13:11).
Во борба за 7. позиција, во интересен натпревар, Луксембург ја победи Велика Британија со три гола разлика, 29:26 (12:12), додека 9. позиција ја освои репрезентацијата на Литванија, која триумфираше над Косово со 28:17 (12:7).
ПОВРЗАНИ ВЕСТИ
