Ракометарките на Металург одработија добра средба во 3. коло од Групата Б во Супер женската лига на која успеаја да стигнат до победа од 30:17 против составот на Стружанка.
Металург немаше проблеми за бодовите и многу рано дојде до предност која гарантираше мирно продолжение на натпреварот. Средбата одеше сигурно. Гостинките имаа добра игра на почеток и успеаја да се доближат на гол разлика. откако Металург поведе со 5:1, стружанки се вратија и намалија. Сепак, после 5:4 домашните влегоа во добар период и постојано одеа кон зголемување на водството така што успеаја да стигнат до 17:9 на крајот од првиот дел.
Во второто полувреме веќе требаше само да одиграат за зачувување на разликата и во ниту еден момент немаше проблеми за да се зачува победата. Гостинките немаа сили за да издржат, па на крајот бодовите останаа во „Автокоманда“.
МЕТАЛУРГ – СТРУЖАНКА 30:17 (17:9)
Сала: „Автокоманда“ во Скопје. Судии: Сања Божиновска и Адриана Здравковска од Скопје. Делегат: Владимир Саздовски од Скопје.
МЕТАЛУРГ: Илјаз, Васева, Ѓошевска 1, Гугуљанова 3, Петреска, Трајковиќ 6, Ивановска, Арсениевска 2, Младеновска 5, Т. Темелковска 1, М. Темелковска, Калајџиевска 3, Божиновска 4, Нестороска 1, Христоска, Николиќ 4.
Седмерци: 3/3, Исклучувања: 2 мин.
СТРУЖАНКА: Митоска, Ѓокеска, Маџоска, Блажеска 1, Голабоска 2, Калајџиевска 1, Раткушиноска, Переска 1, Б. Затуроска, И. Затуроска 3, Ѓоршулеска 1, Далипоска, Делиоска 8
Седмерци: 2/2, Исклучувања: –
СУПЕР ЖЕНСКА ЛИГА – ГРУПА Б
ТАБЕЛА
ПОВРЗАНИ ВЕСТИ
