Еурофарм Пелистер 2 одработи рутински со Радовиш

Екипата која е изненадување во оваа сезона во Суперлигата, Еурофарм Пелистер 2, продолжува со одличните партии пред своите гледачи и во натпревар од 21. коло прослави убедлива победа против фенерџијата, Радовиш, со резултат 35:23.

Избраниците на Александар Јовиќ имаа целосно контрола на натпреварот. Со погодоците на браќата Атанасијевиќ и Петровиќ, младите ракометари на Еурофарм Пелистер за шест минути игра дојдоа до водство од 4:0. Тренерот на Радовиш, Љупчо Мијалов, мораше уште во седмата минута да повика тајм-аут.

По советите од клупата на Радовиш, гостите заиграа подобро во продолжението, но поради лошата игра во воведниот дел не можеа целосно да ја преполоват резултатската негатива.

По водството на Еурофарм Пелистер од 9:4, Радовиш направи серија од 4:0 и намали на само еден негатива, 9:8. Еурофарм Пелистер до крајот на првото полувреме најчесто беше во предност од еден до три гола разлика, а на пауза замина со два позитива, 16:14.

Домашната екипа во второто полувреме по водството од 18:16 повторно дојде до сериозна разлика и во 40. минута имаше активен резултат од плус шест, 22:16. Предноста од шест гола разлика беше шанса за ракометарите со помала минутажа од составот на „фармацевтите“ да го покажат најдоброто од себе во следниот период.

Радовиш преку најекспонираните од својот состав, Постолов и Ристов, се обидуваше да фати приклучок, но секој обид на гостите за приближување завршуваше без успех. Последниот дел од натпреварот не претставуваше никаков проблем за домаќините да одработат рутински и да стигнат до нови бодови на свое конто.

Најефикасни во победничката екипа беа Петар Атанасијевиќ и Емилијан Ѓорговски со по шест погодоци. Во Радовиш прв стрелец беше Здравко Постолов со десет погодоци.

ЕУРОФАРМ ПЕЛИСТЕР 2РАДОВИШ 19 февруари 2022 35 - 23 Крај

Детали

Датум	Време	Лига	Сезона	Match Day	Крај
19 февруари 2022	15:43	REГУЛАРЕН ДЕЛ | ПЛЕЈ ОФ СУПЕРЛИГА	2021/2022	19.02.2022	60'

Место

Спортска сала „Боро Чурлевски“

Резултати

Екипа	1-во полувреме	2-ро полувреме	Резултат
ЕУРОФАРМ ПЕЛИСТЕР 2	16	35	Победа
РАДОВИШ	14	23	Пораз

ЕУРОФАРМ ПЕЛИСТЕР 2

#	Играч	Позиција	Исклучување	Голови
1	Бобан Ристевски	голман	0	0
3	Цветан Кузманоски	лево крило	0	1
7	Андре Буторац	десен бек	0	1
8	Павле Атанасијевиќ	централен бек	1	1
9	Васко Димитровски	пивот	0	4
10	Христијан Митревски	десен бек	0	3
11	Симон Мирчевски	-	0	3
13	Павле Петровиќ	десен бек	1	1
16	Благојче Трајкоски	голман	0	0
23	Стефан Талевски	централен бек	0	2
33	Петар Атанасијевиќ	лево крило	1	6
34	Емилијан Ѓорговски	лев бек	0	6
44	Ненад Белистојановски	-	0	4
84	Мартин Табаковски	-	1	0
88	Димитриј Блажевски	десен бек	0	2
99	Филип Арсеновски	пивот	1	1
	Вкупно		5	35

РАДОВИШ

#	Играч	Позиција	Исклучување	Голови
1	Славјан Паунов	голман	0	0
2	Филип Митев	-	0	0
9	Спасе Ѓоргиев	десно крило	0	1
10	Здравко Постолов	централен бек	1	10
12	Александар Ристов	голман	0	0
13	Костадин Ѓоргиев	-	0	0
18	Ангелче Органџиев	лев бек	0	2
22	Кирил Буровски	-	0	1
23	Кристијан Ристов	лево крило	0	6
26	Иван Нисов	-	0	0
77	Ристе Атанасов	-	0	0
88	Томче Трајчевски	пивот	1	1
90	Филип Костадинов	-	0	0
71	Филип Трајанов	десно крило	0	2
	Вкупно		2	23

Officials

Судии:	Делегат:
БОЖИНОВСКИ ДАНИЕЛО НАЧЕВСКИ ВИКТОР	НАЧЕВСКИ ДРАГАН

СУПЕР МАШКА ЛИГА – ТАБЕЛА