Еурофарм Пелистер 2 и ГРК Тиквеш со драматичен финиш – бодовите заминаа за Кавадарци

Со голот на засилувањето Страхиња Симиќ, тимот на ГРК Тиквеш успеа да стигне до победа од 30:29 на дуелот против Еурофарм Пелистер 2 во Битола со што дојде до првите три бода сезонава. Во натпревар во кој кавадарчани водеа од првата минута, малку недостигаше да се прокоцка стекнатата предност и на крајот да дојде до поделба на пленот.

Од почеток на натпреварот се виде дека гостите се максимално мотивирани за сезонава да дојдат до првите бодови. Влегоа во натпреварот сигурно и цврсто и тоа даде резултат бидејќи после 4:4 брзо дојдоа до водство од 9:4. Тоа се случи во 11. минута кога стана јасно дека на овој дуел тимот на Еурофарм Пелистер 2 ќе има тешка задача да стигне до нови бодови.

Предноста од пет гола брзо беше неутрализирана и тимот од Битола веќе после средината на првото полувреме имаше враќање во мечот со намалување на 9:11.

Сепак, и покрај тоа што беше обезбедено намалување на резултатот тоа не беше гаранција дека ќе може да се направи и пресврт бидејќи кавадарчани успеаја да останат во позитива и на одмор да заминат со резулта од 19:16.

Многуте голови од првото полувреме беа знак дека мора да се смени пристапот во играта во одбрана и на двете страни и тоа дојде до израз во продолжение од средбата кога и двата тима влегоа далеку поангажирано пред својот гол.

И на двете страни одбраните станаа поцврсти и многу потешко се доаѓаше до ситуација да се намали бројот на погодоци и постојано да се игра во резултатска тензија.

Гостите одново дојдоа до водство од пет гола и беа во убав плус, но така беше до стартот на последните десет минути. Тогаш почна враќањето во средбата на домашните кои стигнаа до минус еден разлика, а брзо потоа и до нерешени 29:29.

Во последниот напад на кавадарчани, Страхиња Симиќ биеше за предност од 30:29, а овој гол беше на крајот доволен за победа бидејќи составот на Еурофарм Пелистер 2 во последниот напад не успеа да искористи шанса за да дојде до реми, па кавадарчани на крајот се радуваа на првите три бода сезонава.

ЕУРОФАРМ ПЕЛИСТЕР 2ТИКВЕШ 2014 21 септември 2020 29 - 30 Крај

Детали

Датум	Време	Лига	Сезона	Match Day	Крај
21 септември 2020	19:37	МИНИ ТАБЕЛА СУПЕРЛИГА Б	2020/2021	21.09.2020	60'

Место

Спортска сала „Боро Чурлевски“

Резултати

Екипа	1-во полувреме	2-ро полувреме	Резултат
ЕУРОФАРМ ПЕЛИСТЕР 2	16	29	Пораз
ТИКВЕШ 2014	19	30	Победа

ЕУРОФАРМ ПЕЛИСТЕР 2

#	Играч	Позиција	Исклучување	Голови
3	Цветан Кузманоски	лево крило	0	0
4	Јован Талевски	централен бек	0	8
7	Дарио Петровски	лев бек	1	2
9	Васко Димитровски	пивот	0	0
10	Христијан Митревски	десен бек	0	0
11	Симон Мирчевски	-	0	0
12	Филип Ивановски	голман	0	0
19	Стефан Андонов	-	0	0
22	Иван Димитровски	лево крило	1	1
23	Стефан Талевски	централен бек	1	7
24	Никола Стоилевски	десно крило	1	3
44	Ненад Белистојановски	-	0	0
51	Димитар Бардакоски	голман	0	0
55	Стефан Дрогришки	лев бек	1	5
88	Димитриј Блажевски	десен бек	0	1
99	Филип Арсеновски	пивот	0	2
	Вкупно		5	29

ТИКВЕШ 2014

#	Играч	Позиција	Исклучување	Голови
1	Александар Мицев	голман	0	0
3	Душан Медиќ	централен бек	1	3
4	Борис Ристовски	централен бек	0	0
10	Тоше Димитриев	пивот	0	0
12	Марјан Велков	голман	0	0
14	Костадин Петров	пивот	0	0
15	Вања Смиљаниќ	десен бек	2	1
16	Васо Димитров	голман	0	0
17	Пеце Ѓорѓиоски	пивот	1	2
18	Страхиња Симиќ	централен бек	0	11
19	Дејан Гошевски	десен бек	1	2
26	Ристо Окардов	пивот	0	0
33	Димитар Коцев	лево крило	0	2
77	Јане Јанчев	централен бек	2	8
9	Орданчо Лазов	лево крило	0	1
	Вкупно		7	30

Officials

Делегат:	Судии:
НАЧЕВСКИ МАРЈАН	МЕТАЛАРИ ИСМАИЛ НИКОЛОВСКИ НЕНАД