Еурофарм Пелистер победнички во јубилејната 10. СЕХА сезона (ФОТО)

Дејан Михајловски

Автор:

Дејан Михајловски

21 декември 2020

Од:ФОТО: Димитар Петковски © 24Ракомет 2020

Share on Facebook

Екипата на Еурофарм Пелистер стартуваше со победа од 30:26 против Металопластика во новата јубилејна 10. сезона од СЕХА лигата. Со две различни полувремиња битолчани на крајот, сепак, успеаја да покажат дека се поквалитетни. Имаа одлични втори 30 минути во кои одиграа добро во секој сегмент од играта и тоа го крунисаа со триумф.

Од почетокот на средбата се влезе во неизвесен тек бидејќи и на двете страни имаше главно акцент на нападот. И во двата табори повеќе размислуваа на противничкиот гол и правеа сè да дојдат до гол повеќе.

Во таква игра имаше брзо менување на тимот кој има водство. Иако и Еурофарм Пелистер и Металопластика имаа свои моменти предноста беше само еден гол.

Немаше можност за некој тим да се стабилизира на некаква повисока предност и да може да продолжи мирно во натпреварот, па на средина од првото полувреме резултатот беше 8:8.

И до крајот на првото полувреме играта беше иста односно се продолжи во ист стил во кој Металопластика беше тимот кој ја презеде иницијативата. Иако Чаневски бранеше добро тоа не беше искористено бидејќи и Бомаштар беше на ниво. На тој начин се одржуваше неизвесноста, но гостите успеаја да се изборат за предност на паузата од 14:12.

Вторите 30 минути почнаа далеку подобро од тимот од Битола. Ракометарите на Еурофарм Пелистер влегоа силно во второто полувреме и тоа го потврдија после неколку минути игра. Почнаа да го полнат голот на гостите од Шабац и тоа најавуваше позитивен епилог на средбата. После четири минути резултатот беше израмнет на 17:17, а веќе во следната минута беше новото водство за Еурофарм Пелистер од 18:17.

{"slidestoshow":1,"slidestoscroll":1,"dots":"false","arrows":"true","autoplay":"true","autoplay_interval":3000,"speed":300,"loop":"true","lazyload":""}

/ 42