Ем преполовени, ем подмладени – Храбрите Исланѓани ја треснаа Франција

Репрезентацијата на Исланд во натпревар од 2. коло од главната фаза на ЕП покажа апсолутна моќ против актуелниот олимписки шампион, Франција, и прослави убедлива победа со 29:21.

Ослабениот Исланд одигра фантастични 60 минути игра. Исланѓаните по нерешениот резултат од 3:3, започнаа да создаваат сериозна разлика, која дополнително беше изразена од 20. минута, па сѐ до крајот на првото полувреме. Магнусон беше творецот за првото водство на неговата репрезентација од 4:3.

Во минутите кои што следуваа се случуваше вистинска катастрофална игра во редовите на француската репрезентација. Избраниците на Гијом Жил одвреме-навреме доаѓаа до погодок, додека репрезентацијата на Исланд ја искористуваше секоја дадена прилика и најчесто преку Магнусон, кој буквално се шеташе низ одбраната на противник, од минута во минута го зголемуваше своето водство.

Иако, во 20. минута беше само четири позитива за Исланд, 11:7, во завршниот дел од првото полувреме со недисциплинирана игра во својата одбрана и со дополнително две направени исклучувања во рок од три минути, Французите влегуваа во сѐ подлабока криза. По највисокото водство на Исланд од 16:9, следуваше погодок на Видарсон за плус осум, 17:9. Првото полувреме заврши со резултат 17:10 за Исланд.

Второто полувреме започна со погодок на Франција за минус шест, 11:17. Селекторот на Исланд, Гудмундур Гудмунсон не дозволуваше пад на неговите ракометари и со одличните направени ротации го одржуваше водството на неговата репрезентација, кое по десетина минути игра во вториот дел беше 21:13.

Ништо не се промени во продолжението и водството на Исланд константно беше од седум до осум гола позитива. Франција брзаше да дојде до помала негатива и сѐ почесто грешеше во брзите напади. Исланд во 50. минута влезе со активен резултат од 25:18. Ракометарите на Исланд последните осум минути рутински ги одработија и се израдуваа на првата победа во главната фаза на ЕП.

Одличен натпревар имаше голманот на Исланд, Виктор Халгримсон со 14 интервенции. Предводници во исландската репрезентација беа Омар Магнусон со десет и Виго Кристијансон со девет погодоци.

ФРАНЦИЈАИСЛАНД 22 јануари 2022 21 - 29 Крај

Детали

Датум	Време	Лига	Сезона	Match Day	Крај
22 јануари 2022	20:29	EURO22 1GRUPA	2021/2022	22.01.2022	60'

Место

МУЛТИФУНКЦИОНАЛНА АРЕНА БУДИМПЕШТА

Резултати

Екипа	1-во полувреме	2-ро полувреме	Резултат
ФРАНЦИЈА	10	21	Пораз
ИСЛАНД	17	29	Победа

ФРАНЦИЈА

#	Играч	Позиција	Исклучување	Голови
2	Јанис Лене	десно крило	0	1
4	Ајмерик Мин	централен бек	0	5
7	Ромеин Лагард	централен бек	0	2
9	Мелвин Ричардсон	десен бек	0	0
10	Дика Мем	десен бек	0	1
11	Николас Турна	пивот	2	5
12	Винсен Жерард	голман	0	0
13	Никола Карабатиќ	централен бек	0	1
15	Матје Гребил	лево крило	1	0
24	Весли Пардин	голман	0	0
25	Уго Деска	лево крило	0	5
28	Валентин Порт	десен бек	0	0
29	Беноа Конку	десно крило	0	0
31	Дилан Нахи	лево крило	0	0
33	Тео Монар	пивот	1	1
39	Тибо Брие	лев бек	0	0
	Вкупно		4	21

ИСЛАНД

#	Играч	Позиција	Исклучување	Голови
7	Виго Кристјансон	десен бек	0	9
11	Имир Гисласон	пивот	0	0
14	Омар Магнусон	десен бек	1	10
16	Виктор Халгримсон	голман	0	0
18	Елиди Видарсон	пивот	0	4
19	Даниел Тор Ингасон	лев бек	1	1
20	Агуст Бјоргвинсон	голман	0	0
22	Сигвалди Бјорн Гудјонсон	десно крило	1	2
23	Кристјан Кристјансон	десен бек	0	0
24	Теитур Орн Ејнарсон	десен бек	0	1
27	Вигнир Стефансон	лево крило	0	0
28	Ори Фреј Торкелсон	лево крило	0	0
36	Елвар Асгеирсон	лев бек	0	2
37	Магнус Оли Магнусон	лев бек	0	0
	Вкупно		3	29

ЕП 2022, ГРУПА 1 – ТАБЕЛА