Поранешниот консултант во стручниот штаб на ЖРК Вардар, Јан Питлик, го напушти тимот на Оденсе по три години и ќе има нов предизвик во кариерата.
Данскиот стратег по подолго време се враќа во машкиот ракомет и ќе биде предводник на амбициозниот тим Сондерјиске, за кој потпиша и легендарниот Томас Могенсен.
Питлик досега ги има водено машките тимови на Есбјерг и ГОГ од 1995 до 1998, а сите други ангажмани му биле во женски клубови.
Работеше во ГОГ Гудме, беше селектор на данската репрезентација, а по заминувањето од ЖРК Вардар се врати во татковината и го презема Оденсе.
Иако овој тим обезбеди место во Лигата на шампионите, сепак тоа не беше доволен предизвик за Питлик и реши да се пресели во Сондерјиске.
