ДРАМА во Кавадарци: Тиквеш направи од готово – вересија, Прилеп со гол од слободен удар освои бод!

Ракометарите на Тиквеш по победата над Еурофарм Пелистер 2 во Битола, не успеаја да забележат втор триумф во серија во Суперлигата. Иако беше пред пораз и губеше со минус пет, тимот на Прилеп со гол од слободен удар по истекот на времето, успеа да стигне до голем бод, 25-25.

По почетните 4-1 и 7-3 за избраниците на прилепчанецот на клупата на кавадарчани, Томе Петрески, веројатно домаќините помислија дека ќе биде лесно понатаму, но не беше така.

Прилеп, кој остана без Чурлевски, а не играше ниту Андоновски, се врати на гол негатива, 10-9, 11-10, но на пауза со голот на екс играчот на Прилеп, Јане Јанчев, Тиквеш стигна до плус два, 12-10.

Во првите десетина минути од вториот дел се играше слично како во финишот на вториот дел, со тоа што прилепчани стигнаа на два пати до израмнување. Сепак голманот на Тиквеш, Марјан Велков запре три пенали, а неговите соиграчи реализираа во нападот и кавадарчани стигнаа до плус пет, 19-14.

Кавадарчани се опуштија, немаа идеја во нападот, и како одминуваше времето, прилепчани се враќаа во мечот. По 24-20 за домашните, избраниците на Горан Кузманоски намалија на 24-23. Тиквеш поведе со 25-23, имаше и напад при водство од 25-24, но не го реализираше.

Останаа триесетина секунди во кои прилепчани не погодија, но имаше фаул и остана да се изведе удар од девет метри по истекот на времето. Десниот бек Гавашелишвили стрелаше преку „живиот ѕид“ во голот на Велков за голем бод од Кавадарци, 25-25.

Во домашниот тим Јанчев даде шест гола, а Медиќ пет, додека во тимот на Прилеп, Чантурија и Шокоски стрелаа по пет пати во голот на кавадарчани.

ТИКВЕШ 2014ПРИЛЕП 22 октомври 2020 25 - 25 Крај

Детали

Датум	Време	Лига	Сезона	Match Day	Крај
22 октомври 2020	20:33	МИНИ ТАБЕЛА СУПЕРЛИГА Б	2020/2021	22.10.2020	60'

Место

СЦ „Јасмин“

Резултати

Екипа	1-во полувреме	2-ро полувреме	Резултат
ТИКВЕШ 2014	12	25	Реми
ПРИЛЕП	10	25	Реми

ТИКВЕШ 2014

#	Играч	Позиција	Исклучување	Голови
3	Душан Медиќ	централен бек	0	5
4	Борис Ристовски	централен бек	0	0
9	Орданчо Лазов	лево крило	0	2
12	Марјан Велков	голман	0	0
14	Костадин Петров	пивот	0	2
17	Пеце Ѓорѓиоски	пивот	1	4
18	Страхиња Симиќ	централен бек	1	2
19	Дејан Гошевски	десен бек	0	2
26	Ристо Окардов	пивот	0	0
33	Димитар Коцев	лево крило	0	1
33	Стефан Колоски	лев бек	0	0
77	Јане Јанчев	централен бек	1	6
92	Андреј Хапал	десно крило	0	1
	Вкупно		3	25

ПРИЛЕП

#	Играч	Позиција	Исклучување	Голови
3	Бојан Вренцоски	лево крило	0	0
7	Хазеин Рустамов	лево крило	0	3
9	Христијан Бикоски	лево крило	0	1
11	Владимир Трајкоски	лев бек	0	3
12	Иван Ангелески	голман	0	0
17	Хари Павлов	десен бек	1	2
18	Давор Шокоски	лев бек	2	5
19	Антонио Бурчевски	пивот	0	0
22	Мартин Карафилоски	пивот	0	1
23	Реваз Чантурија	десно крило	0	5
28	Алија Амзоски	десно крило	0	1
33	Стефан Христоски	голман	0	0
34	Мириан Гавашелишвили	лев бек	1	4
77	Зураб Цинцадзе	голман	0	0
	Вкупно		4	25

Officials

Судии:	Делегат:
МИТРЕВСКИ ДИМИТАР ТОДОРОВСКИ БЛАГОЈЧЕ	ОГНЕНОВ ИГОР