Драма во Автокоманда – Маркоски со звукот на сирената му донесе голем триумф на Металург

Тимот на Металург славеше во драматичен натпревар против Тиквеш од Кавадарци со 28-27, откако во последните секунди погоди Велко Маркоски за голем триумф на домашните кој ги остава во игра за плеј-оф.

Гостите од Кавадарци ја имаа контролата во поголемиот дел од првото полувреме. Тие најчесто водеа со еден или два гола разлика. По 10-10 во финишот три гола по ред даде крилото Рибеиро и еден Хорват од пенал за 14-10. Тиквеш до паузата намали на 14-11.

На стартот на вториот дел избраниците на Иве Марковски стигнаа до највисоки плус пет, 19-14, но во продолжение паднаа во темпото кое сами го наметнаа. Тиквеш со серија од четири гола се доближи на само минус еден, 19-18 и најави возбудувања.

Металурзи погрешија два пати по ред, па следуваше казна и кавадарчани преку Јанчев израмнија на 19-19. Истиот играч имаше шанса да му донесе водство на Тиквеш, но не погоди, па Металург ја врати минималната предност на своја страна.

Во продолжение домашните стигнаа до плус три, 23-20, но немаа идеја во следните напади и Тиквеш повторно се врати во мечот со три гола по ред, 23-23. Во последните пет минути се играше гол за гол.

Хорват реализираше за 27-26 кога почна да тече последната минута, но Темелкоски погоди на дваесетина секунди до крајот за 27-27. Марковски викна тајм-аут, Металург организираше акција која заврши со убав погодок на дефанзивецот Маркоски за конечни 28-27.

Најдобар стрелец кај Металург беше Златко Хорват со 11 гола, додека по шест пати погодија крилата Петковски и Рибеиро. Кај кавадарчани, по пет пати стрелаа Дрогришки, Симиќ и Темелкоски.

МЕТАЛУРГТИКВЕШ 2014 16 декември 2021 28 - 27 Крај

Детали

Датум	Време	Лига	Сезона	Match Day	Крај
16 декември 2021	19:27	REГУЛАРЕН ДЕЛ | ПЛЕЈ ОФ СУПЕРЛИГА	2021/2022	16.12.2021	60'

Место

Спортска сала „Автокоманда“

Резултати

Екипа	1-во полувреме	2-ро полувреме	Резултат
МЕТАЛУРГ	14	28	Победа
ТИКВЕШ 2014	11	27	Пораз

МЕТАЛУРГ

#	Играч	Позиција	Исклучување	Голови
3	Костадин Петров	пивот	2	1
4	Александар Петковски	десен бек	0	6
7	Дамјан Субашевски	-	0	0
10	Даниел Дупјачанец	голман	0	0
12	Давид Брестовац	голман	0	0
13	Златко Хорват	десно крило	0	11
15	Улисес Рибеиро	лево крило	0	6
19	Милан Лазаревски	пивот	0	3
28	Андреј Митиќ	пивот	0	0
51	Димитар Бардакоски	голман	0	0
64	Велко Маркоски	лев бек	0	1
5	Петар Ангелевски	-	0	0
9	Кристијан Ѓорѓиев	-	0	0
18	Тодор Аксентиев	-	0	0
	Вкупно		2	28

ТИКВЕШ 2014

#	Играч	Позиција	Исклучување	Голови
2	Марио Гичев	централен бек	0	0
4	Марко Трајковски	пивот	0	0
9	Орданчо Лазов	лево крило	0	0
10	Стефан Дрогришки	лев бек	0	5
11	Евгениј Темелкоски	десно крило	0	5
12	Марјан Велков	голман	0	0
13	Борче Соколов	централен бек	0	2
16	Александар Стојаноски	голман	0	0
18	Никола Стефановиќ	пивот	0	0
19	Дејан Гошевски	десен бек	0	0
24	Дарко Кондев	лево крило	2	3
26	Ристо Окардов	пивот	0	0
33	Димитар Коцев	лево крило	0	0
34	Страхиња Симиќ	централен бек	1	5
77	Јане Јанчев	централен бек	1	3
96	Стефан Трпчевски	десен бек	0	4
	Вкупно		4	27

Officials

Судии:	Делегат:
МИТРЕВСКИ ДИМИТАР ТОДОРОВСКИ БЛАГОЈЧЕ	ЦВЕТКОСКИ ИЛИЈА