Ракометарот кој пред неколку недели се најде во Клубот 1000 погодоци во Лигата на шампионите, Тимур Дибиров и понатаму е во трка за најдобар стрелец, а има само еден гол помалку од лидерот, Алеиш Гомез од Барселона.
Шпанецот е лидер со 59 погодоци од десет натпревари, додека Дибиров е во група со уште Микел Хансен и Тобијас Грондал со 58 гола што става во потесна конкуренција за топ стрелец до крајот на сезоната.
Првите десет стрелци се во мала разлика, а Дибиров има одлична сезона така што може да се очекува да биде во трка за првата позиција и после паузата која ќе трае до средината на февруари.
ЛИГА НА ШАМПИОНИ
ЛИСТА НА СТРЕЛЦИ – ТОП 10
59 – Алеиш Гомез (Барселона)
58 – Тимур Дибиров (Вардар)
58 – Микел Хансен (ПСЖ)
58 – Тобијас Грондал (Елверум)
57 – Дика Мем (Барселона)
55 – Раул Нант (Динамо Букурешт)
55 – Никлас Екберг (Кил)
53 – Доминик Мате (Елверум)
52 – Феликс Клар (Алборг)
51 – Гашпер Маргуч (Веспрем)
ПОВРЗАНИ ВЕСТИ
