Ракометарките на Деспина од Прилеп ја остварија четвртата победа оваа сезона во Женската лига.
Избраничките на Страшо Илиески славеа повеќе од убедливо на гостувањето кај Ѓорче Петров со 14-32.
Прилепчанки поведоа со 0-5, беше и 1-10 и стана јасно каков натпревар ќе се гледа до крајот. На паузата беше 4-19.
Во второто полувреме домашните беа подобри и постигнаа повеќе погодоци, но ни оддалеку не беше загрозена гостинската победа.
Најефикасни во победничкиот тим беа Камческа со шест и Цветкоска со пет погодоци, додека кај Ѓорче Петров се истакна Цветановска со шест голови.
