Откако синоќа беше емитуван директен пренос од натпреварот меѓу Норвешка и Холандија, денеска на ТВ Клан Македонија нов пренос ќе има од средбата меѓу Данска и Шведска, која се игра од 20:30 часот.
Според распоредот преноси ќе има и утре и задутре. За утре е предвидено во пренос да оди дуелот меѓу Унгарија и Германија кој се игра од 16 часот.
В недела одново Данска ќе биде на ТВ Клан Македонија, а тогаш игра натпревар против селекцијата на Шпанија. Овој дуел се игра од 20:30 часот.
За понеделник ќе биде емитувана снимка од еден натпревар, додека во вторник ќе има два преноси. Со оглед на тоа што ќе се играат по две средби во секој од трите термини во зависност од возбудувањата ќе се знае и кои дуели ќе одат во пренос. Она што се знае сега е дека еден пренос ќе биде од 16, а еден од 20:30 часот.
