Ракометарите на Драчево ја забележаа третата победа во новата сезона од Првата лига, откако славеа убедливо на гостувањето кај Партизан Гевгелија со 39-22.
Предводени од Филип Дабевски кој даде 14 и Димитар Петковски кој даде 12 гола, избраниците на Велимир Настески без проблеми триумфираа во Гевгелија.
Домашните одржуваа резултатска рамнотежа во првите петнаесетина минути кога беше 7-6, а потоа до паузата Драчево обезбеди солидна залиха, 18-12.
Во второто полувреме кај гостите Ѓорѓи Дука доби црвен картон поради три исклучувања, но неговите соиграчи само рутински ја одработија задачата и го полнеа голот на домашниот тим.
Покрај Дабевски и Петковски кои комбинира 26 гола, се истакна и Александар Димовски со четири погодоци, додека кај Партизан, седум пати стрелаше Димитар Минов, а шест пати Горан Лисичков.
ПОВРЗАНИ ВЕСТИ
