Шпанскиот Гранољерс приреди уште една сензација и по елиминацијата на Фленсбург, елиминираше уште еднаш бундеслигаш.
Во полуфиналето токму во Фленсбург, Гранољерс славеше против Гепинген со пресврт во вториот дел со 31-29. Гури постигна девет гола за шпанскиот тим, а по пет за германскиот дадоа Шарац и Козина.
Противник на шпанскиот состав во финалето и борбата за трофејот ќе биде бундеслигашот Фуксе Берлин.
„Лисиците“ го победија францускиот Монпелје со 35-29, иако на полувреме беше нерешено, 18-18.
Ханс Линдберг беше најдобар стрелец со осум гола, додека Матијас Гидсел стрелаше шест пати, а кај Монпелје се истакна Бос и Лен со по шест погодоци.
ПОВРЗАНИ ВЕСТИ
