Ракометарките на Будуќност ја остварија втората победа во Лигата на шампионите откако на гостувањето кај Борусија Дортмунд во натпревар од 13. коло црногорскиот тим славеше 30:34.
Во текот на првото полувреме Борусија Дортмунд најчесто беше во предност, но гостите успеваа да дојдат до израмнување во неколку наврати. На полувреме домашниот тим замина со водство од 18:16. Будуќност одигра одлично второ полувреме во кое направи целосен пресврт и изненадувачки ја забележа првата гостинска победа сеознава.
Ван дер Хејде и Гријселс беа најефикасни во тимот на Борусија Дортмунд со осум односно седум погодоци. Во составот на Будуќност прв стрелец беше Валерија Маслова со десет гола, а Николина Вукчевиќ постигна седум.
Ѓер продолжува да доминира во Лигата на шампионите и ја запиша 13. победа во исто толку натпревари. На гоостувањето кај Савехоф унарскиот тим триумфираше со 25:31. На полувреме гостите имаа водство од 12:15, а до крај без проблеми забележаа нова победа.
Јамина Робертс со седум гола беше најефикасна во екипата на Савехоф, а по пет погодоци постигнаа Мортенсен и Толструп. Предводнички до уште една победа на Ѓер беа Ане Мете Хансен со шест и Нзе Минко со пет гола.
Екипите на Есбјерг и Брест одиграа интересен натпревар со неколку пресврти кој на крајот заврши без победник 28:28. После првите 30 минути Брест беше во водство од 15:16, а во продолжението Есбјерг најчесто беше имаше предност но не успеа да забележи триумф.
Кристине Бреистол беше најефикасна за тимот на Есбјерг со осум погодоци, а четири постигна Марит Јакобсен. Во францускиот претставник прв стрелец беше Алисија Тублан со седум гола, а шест постигна Ниакате.
ПОВРЗАНИ ВЕСТИ
