Голем триумф за Вардар, го победи Загреб и тргна кон осминафиналето во ЛШ

Ракометарите на Вардар се изборија за победа од 20:19 против ППД Загреб што го искачи шампионот на Македонија на 5. позиција. Вардар одработи одлична средба против цврст противник и ги доби последните минути од средбата со мудра игра.

Како што се очекуваше од почетокот на натпреварот се влезе во израмнета игра и тесен резултат. И двете екипи играа во обид да го контролираат резултатот. Загреб имаше водство при 6:5, но тука десет минути голот на Вардар остана „невидлив“ за гостите така што дојде до менување на контролата на резултатот.

Вардарците во финишот од првиот дел имаа 9:6, но не успеваа да се одржат на плус три бидејќи и гостите успеваа да се вратат во ритам, па намалуваа. При 10:9, Валчак успеа да искористи еден шут за на пауза да се замине со 11:9.

Плус два остана и во 36. минута. Сепак, прво гостите израмнија на 11:11, а потоа Оливие Њокас и Куни Моралес зголемија на 13:11. Тука дојде до мала криза и шест минути без гол при што гостите одново израмнија, сега на 13:13.

Немаше многу простор за голови, па се влезе во период со малку погодоци. Загреб успеа да го преземе водството, но најчесто тоа беше изразено со еден погодок, а Вардар успеваше да израмни. Се играше цврсто и од двете страни така што немаше ниту многу простор за да се дојде до повеќе погодоци така што мораше да се одработи внимателно и за секоја акција да се работи максимално.

Во 54. минута дојде клучниот момент на средбата. Обрван го побара вториот тајм-аут во обид да ги посоветува своите ракометари и доколку се во можност за да дојдат до плус два со што можеби и ќе го решеа натпреварот. Сепак, Ристовски одбрани, а брзо беше постигнат гол од Чувара за нерешени 17:17. Во следниот напад гостите погодија во рамките од голот, па Кевин Њокас го врати водството на Вардар за брзо потоа во контра и Ѓукиќ да донесе 19:17.

Обрван мораше да побара нов тајм-аут, но повторно немаше погодок, па Вардар тргна во напад за плус четири. Во моментите кога се закануваше одземање на топката поради пасивен напад Талески биеше за 20:17 на нешто помалку од три минути до крајот на средбата. Неговиот шут беше од десет метри и Вардар веќе го доби натпреварот. Имаше големи плус три кои требаше со мудра игра да се зачуваат до крајот.

Сепак, место мирна завршница се дојде до непотребно коцкање со среќата. При 20:19 Оливие Њокас загуби топка, а Загреб доби десет секунди за напад. Сепак, времето беше потрошено и беше направен прекршок при што Загреб имаше девет метри за крај на средбата. Вистороп биеше во живиот ѕид, па победата остана за Вардар, а со тоа „црвено-црните“ се искачија на 5. позиција во Групата А од Лигата на шампионите.

ВАРДАР 1961ППД ЗАГРЕБ 23 февруари 2022 20 - 19 Крај

Детали

Датум	Време	Лига	Сезона	Match Day	Крај
23 февруари 2022	22:19	ЛИГА НА ШАМПИОНИ А	2021/2022	23.02.2022	60'

Место

СЦ „Јане Сандански“

Резултати

Екипа	1-во полувреме	2-ро полувреме	Резултат
ВАРДАР 1961	11	20	Победа
ППД ЗАГРЕБ	9	19	Пораз

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
5	Стојанче Стоилов	пивот	1	0
6	Оливие Њокас	лев бек	1	4
7	Патрик Валчак	пивот	0	3
8	Јоел Куни Моралес	десен бек	0	3
9	Гоце Георгиевски	десно крило	0	2
10	Кевин Њокас	десен бек	0	1
12	Мартин Томовски	голман	0	0
13	Дијало Бакари	лев бек	2	0
14	Јан Чувара	лево крило	0	1
22	Жереми Тото	пивот	0	1
28	Филип Талески	лев бек	0	4
31	Тимур Дибиров	лево крило	0	0
33	Стефан Крстевски	централен бек	0	0
44	Стефан Додиќ	централен бек	0	0
45	Дарко Ѓукиќ	десно крило	0	1
	Вкупно		4	20

ППД ЗАГРЕБ

#	Играч	Позиција	Исклучување	Голови
2	Марин Шипиќ	пивот	0	0
4	Филип Вистороп	централен бек	0	1
6	Давор Чавар	лево крило	0	2
7	Давид Мандиќ	лево крило	0	2
8	Адин Фаљиќ	пивот	0	0
9	Лука Ловре Кларица	десен бек	0	0
10	Јаков Гојун	лев бек	0	2
12	Дино Славиќ	голман	0	0
13	Един Клис	лев бек	0	0
16	Филип Ивиќ	голман	0	0
22	Жељко Муса	пивот	0	0
24	Владо Матановиќ	десно крило	0	0
27	Иван Чупиќ	десно крило	1	3
43	Алекс Кавчиќ	лев бек	1	2
47	Сандро Обрановиќ	лев бек	0	3
55	Чаба Лајметер	десен бек	1	4
	Вкупно		3	19

Officials

Судии:
Вацлав Хорачек -Чешка Јири Новотни -Чешка

ЛИГА НА ШАМПИОНИ – ГРУПА А

ТАБЕЛА