Откако во саботата станаа јасни полуфиналистите од Групата 1, денеска стана јасно која репрезентација ќе игра во мечот за 5. позиција, а тоа е Германија која одигра убедлив натпревар против Австрија и славеше со 34:22.
Германците имаа доминација во вторите 30 минути откако во првиот дел Австрија се бореше и успеваше да остане во негатива која даваше надежи за игра во продолжението. Селекцијата на Германија имаше само 16:13, но тоа беше едно сосема поинакво полувреме.
Само што почна вториот дел се виде една сосема друга игра. Германците тргнаа силно и брзо се одвоија. Стигнаа до десет разлика, па ги откажаа противниците така што во финишот беше само прашање со колку гола ќе биде обезбеден триумф.
На крајот беше 34:22 со што Германија го визираше 3. место на табелата и во среда ќе има само формален дуел против Чешка за завршување на групната фаза така што ќе има дуел за 5. позиција.
Кастенинг со шест и Рајхман со пет погодоци беа најефикасни, додека Битер на голот собра 15 интервенции. Кај Австрија голманот Ајхбергер имаше шест одбрани додека Билик постигна пет, а Пош четири гола.
ПОВРЗАНИ ВЕСТИ
