По поразот од Шпанија во првото коло, репрезентацијата на Германија ја забележа првата победа на Олимписките игри во Токио. Избраниците на Алфред Гисласон триумфираа над Аргентина со убедлливи 25-33.
На стартот на првото полувреме јужноамериканската репрезентција диктираше темпо и резултат, а најчесто водеше со еден или два гола разлика. По петнаесетина минути Пизаро донесе плус три за Аргетина, 7-4, а беше и 8-5.
Германците во продолжение заиграа посериозно, ривалот немаше премногу идеја во нападот, Вулф фати неколку топки и следуваше серија од пет погодоци за 8-10. Аргентина се врати во игра и израмни на 10-10, но на пауза се замина со минимално водство за Германија, 13-14.
Москариело и Симоне реализираа на стартот на вториот дел за 15-14, но за три минути Германците дадоа четири гола и веќе беше 15-18. Предноста на Бундес тимот отиде и на четири гола, па на пет, а Аргентинците иако се обиидуваа, не можеа да сторат ништо повеќе против разиграниот ривал.
Шилер и Кастенинг дадоа по седум гола, а голманот Вулф имаше 12 интервенции. Кај Аргентина, Мартинез и Диего Симоне постигнаа по пет погодоци.
ПОВРЗАНИ ВЕСТИ
