Откако вчера беа одиграни трите последни натпревари за есенскиот дел од сезоната, веќе станаа познати сите групи за пролетниот дел од сезоната односно плеј-оф и плеј-аут групите и од Супер и од Првата машката лига.
Во секоја од групите ќе има по осум екипи така што ќе можат да бидат видени по 14 кола и ќе биде сигурно доста интересно бидејќи сите ќе имаат за што да се надигруваат.
Веќе в среда од 12 часот ќе бидат извлечени стартните броеви така што ќе биде познат и распоредот и ќе може да се стартува со подготовката за натпреварите кои ќе претстојат најверојатно од почетокот на март или најрано втората половина од февруари.
Осумте екипи кои се дел од плеј-офот во Супер машката лига ќе се борат за титулата, како и за местата кои ќе водат во Европските купови. Во плеј-аутот битката ќе биде за првите две места. Првопласираниот состав од плеј-аутот оди директно во Супер лигата, а втопласираниот ќе игра бараж.
Во плеј-оф лигата од Првата машка лига ќе има надигрување за првата позиција, а оној што ќе дојде до неа ќе мора и во бараж против второпласираниот од плеј-аут лигата во Супер машката лига.
Осумте екипи од плеј-аутот ќе разигруваат веројатно за опстанок во Првата лига бидејќи може да се очекува следната сезона да има формирање и на Втора лига така што ќе биде интересно и возбудливо.
Сепак, прво ќе треба да се почека за ждрепката и добивањето на стартните броеви, па да се почне со кроењето на планот за вториот дел од сезоната.
СУПЕР МАШКА ЛИГА
ПЛЕЈ-ОФ: Вардар, Еурофарм Пелистер, Металург, Охрид, Пролет 62, Бутел Скопје, Еурофарм Пелистер 2, Струга.
ПЛЕЈ-АУТ: КЛ 7, ГРК Тиквеш, Радовиш, Прилеп, Јуниор Кисела вода, Работнички, Астраион, Младост 1977.
ПРВА МАШКА ЛИГА
ПЛЕЈ-ОФ: Скопје 2020, Аеродром, Драчево, Металург РА, Шампион, МРК Куманово, Јехона, Вардар Неготино.
ПЛЕЈ-АУТ: ГРК Борц, Преспа 2015, Текстилец, Делчево Вардар, Риниа М, Партизан 2016, Кичево 2020, Македонија ЃП.
ПОВРЗАНИ ВЕСТИ
