Селекторот на Словенија Веселин Вујовиќ, го објави списокот на повикани ракометари за претстојната ЕХФ недела, во која избраници ќе одиграат два пријателски натпревари.
За натпреварите против Холандија и Србија на 25 октомври во Ормож и на 27 во Марибор, Вујовиќ повика 21 ракометар.
Меѓу нив го нема соиграчот на Филип Кузмановски од Магдебург – Марко Безјак, а го нема ниту вардарецот Сташ Скубе кој игра во одлична форма. Вујовиќ имаше коментар.
„Скубе е сјаен организатор на играта, но тој не трпи конкуренција. Во Горење, Сегед и Вардар е алфа и омега. Но во репрезентацијата, конкуренцијата на позицијата централен бек е огромна. Па затоа не оди да го повикам…а потоа да му кажам дека нема да оди на ЕП“, изјави Вујовиќ.
