Ракометарите на Веспрем се израдуваа на вториот триумф во Лигата на шампионите, откако на свој терен, со пресврт, го совладаа Монпелје со 33:31.
Францускиот тим во најголемиот дел од првото полувреме ги држеше „конците“ во свои раце, но предноста која ја имаше, водеше и со највисоки четири гола разлика во првите 30 минути, не беше ниту сигурна, ниту безбедна.
Веспрем никако не можеше да влезе во ритам, во неколку наврати го израмнуваше резултатот, во 20-та минута имаше и предност од 10:9, но кратките блесоци не беа доволни за поволен резултат во првиот дел. Монпелје на полувреме замина со предност од плус два, 15:13.
Гостите по неколку минути игра во вториот дел се одлепија на 17:13, но никако не можеа да воспостават контрола, бидејќи Веспрем постојно се закажуваше и се обидуваше да дојде до камбек. Тимот на Момир Илиќ тоа го направи во 42-та минута, од минус два, 22:20, дојде до камабек, најпрво израмни на 22:22, потоа поведе со 23:22.
Од тој момент Веспрем целосно ја презеде контролата на резултатот. Клучни играчи во направениот пресврт на Веспрем десниот бек беа Недим Ремили и десното крило Микита Вајлупов. Во финишот од дуелот, домашниот тим дојде и до 31:27 и без проблеми ги одработи последните минути.
Најефикасни во победничката екипа беа Јехија Елдера со седум погодоци и Никита Вајлупов со шест реализации. Во поразениот табор се истакна Себастијан Карлсон со шест погодоци.
ПОВРЗАНИ ВЕСТИ
