Десниот бек Мартин Велковски денеска беше најефикасен во репрезентацијата на Македонија со шест гола. Тој одигра добар натпревар во нападот, но сето тоа оди во заборав после поразот.
„Прерано е да се зборува што се случи на теренот. Ќе треба прво да анализираме и да видиме каде загубивме. Дали сето ова беше од преголема желба или друго… Сепак, имавме премногу технички грешки. Во клучните моменти направивме и многу глупости. Тие ни дадоа шанса да ги стигнеме, но не успеавме“, рече Велковски.
Овој пораз ја остава Македонија на последното место во групата и без шанса за да се пласира во следната рунда на Европското првенство. В понеделник од 20:30 часот, Македонија ќе игра против селекцијата на Данска во последното коло од првиот круг.
ПОВРЗАНИ ВЕСТИ
