По двете победи во регионалната СЕХА лига над Војводина и над Нексе, ракометарите на Вардар сега ќе се посветат на обврските во Лигата шампионите. Прв предизвик ќе биде гостувањето во Португалија кај Порто.
Денеска вардарци ги чека утрински тренинг, а попладнето заминуваат за главниот град на источниот сосед, Софија, од каде пак утредента ги чекаат два лета до португалскиот град.
Од Софија најпрво ќе се лета до Франкфурт, а оттамму до Порто. По пристигнувањето во среда, планиран е тренинг во „Драгао Арена“, додека за враќање во петок, „црвено-црните“ ги чекаат три лета.
Од Порто до Франкфурт, од Франкфурт до Белград, а потоа до Скопје. Сепак за следните две споени гостувања кај Фленсбург и ПСЖ, планиран е чартер лет, па вардарци одморни ќе ги чекаат тие два дуели.
Натпреварот со Порто ќе се игра на 4 февруари со почеток во 20:45 часот.
