Новото засилување за Вардар, левиот бек од Куба, Ансер Родригез, со златен медал од Централноамериканските и Карипски игри доаѓа во Скопје.
Неговата репрезентација успеа да го освои трофејот на ова натпреварување откако славеше над Доминиканската Република со 30-29.
Новиот вардарец беше меѓу најдобрите поединци во кубанската селекција и успеа да постигне три погодоци.
Иако Кубанците водеа со четири гола разлика на полувремето, 14-10, во вториот дел мораа да се помачат за да стигнат до триумфот.
Претходно, во полуфиналето Куба го елиминираше Порторико, кој го победи со 24-18, а Родригез беше стрелец на еден гол.
ПОВРЗАНИ ВЕСТИ
