Важен триумф на Прилеп – Шокоски со гол во последната секунда го сруши КЛ7!

Ракометарите на Прилеп триумфираа на гостувањето кај КЛ7 со 35-36, со погодокот во последната секунда на левиот бек Давор Шокоски. Ова се важни бодови за прилепчани кои се вклучуваат во битката за врвот на табелата во плеј-аут.

Прилепчани водеа на стартот со 3-6, но домашните полека се враќаа во игра и стигнаа до високи четири гола позитива, 13-9. Сепак тоа не ги откажа гостите, кои со серија од пет погодоци направија пресврт, 13-14.

Избраниците на Игор Котевски израмнија на 14-14, а до крајот на полувремето се играше практично без одбрани и двата тима погодија уште по четири пати за нерешено на пауза, 18-18.

Гостите во вториот дел повторно ја вратија предноста на своја страна, 22-25, но направија неколку грешки во серија и КЛ7 се врати на егал, 26-26. Во тие моменти прилепчани останаа без грузискиот лев бек Мириан Гавашелишвили, кој поради третото исклучување доби црвен картон и се пресели на трибините.

Се играше гол за гол во продолжение, а во последните десетина минути домашните стигнаа до плус два, 32-30. Тоа беше недоволно за мирна завршница, бидејќи Рустамов израмни набрзина со два гола во контранапад на 32-32, а беше и 34-34. Двете екипи погрешија во следните напади и во последната минута се влезе со реми, 35-35.

Прилепчани направија грешка, но и домашните се сплеткаа во нападот, па Давор Шокоски ја искористи шансата и во последната секунда погоди за 35-36 и огромни три бода за Прилеп.

ГОЛДЕН АРТПРИЛЕП 24 април 2021 35 - 36 Крај

Детали

Датум	Време	Лига	Сезона	Match Day	Крај
24 април 2021	16:43	ПЛЕЈ АУТ СУПЕРЛИГА	2020/2021	24.04.2021	60'

Место

СЦ „Борис Трајковски“

Резултати

Екипа	1-во полувреме	2-ро полувреме	Резултат
ГОЛДЕН АРТ	18	35	Пораз
ПРИЛЕП	18	36	Победа

ГОЛДЕН АРТ

#	Играч	Позиција	Исклучување	Голови
5	Александар Стојков	десно крило	2	2
8	Андре Буторац	десен бек	2	0
10	Симон Гучески	лево крило	0	0
11	Игор Ѓоргиев	централен бек	0	3
13	Бобан Каковски	централен бек	0	0
14	Кристијан Симоноски	пивот	1	10
15	Бојан Љубевски	лев бек	1	0
17	Божидар Илиески	централен бек	0	1
19	Мартин Димовски	десен бек	0	2
22	Евгениј Темелкоски	десно крило	0	5
23	Емилијан Ѓорговски	лев бек	0	8
24	Олег Јорданов	лев бек	0	0
26	Марко Стојковиќ	пивот	0	0
31	Глигор Гајиќ	централен бек	0	4
33	Виктор Василевски	голман	0	0
99	Андреј Петковски	голман	0	0
	Вкупно		6	35

ПРИЛЕП

#	Играч	Позиција	Исклучување	Голови
2	Александар Тренчевски	пивот	2	4
7	Хазеин Рустамов	лево крило	0	7
9	Христијан Бикоски	лево крило	0	1
10	Сашко Манчески	пивот	0	0
11	Владимир Трајкоски	лев бек	0	4
12	Иван Ангелески	голман	0	0
13	Ивица Дукоски	централен бек	0	0
14	Даниел Андоновски	лев бек	0	4
17	Хари Павлов	десен бек	1	0
18	Давор Шокоски	лев бек	0	6
19	Антонио Бурчевски	пивот	0	0
22	Мартин Карафилоски	пивот	0	0
23	Реваз Чантурија	десно крило	1	10
33	Стефан Христоски	голман	0	0
34	Мириан Гавашелишвили	лев бек	3	0
77	Зураб Цинцадзе	голман	0	0
	Вкупно		7	36

Officials

Судии:	Делегат:
ГЕОРГИЕВСКИ ДЕЈАН ГЕОРГИЕВСКИ ДИМИТАР	НАУМОВСКИ РУСЕ