Екипата на Бутел Скопје со победа од 34:20 против Вождовац го почна гостувањето во Србија каде што ќе има уште две контролни средби.
Ракометарите на тимот кој ќе игра во плеј-офот од Супер машката лига немаа проблеми против ривалот од Србија и успеаја да се изборат за лесен триумф со што покажаа дека формата оди во нагорна линија.
Најефикасен ракометар на тимот на Бутел Скопје беше Митев со шест гола. Петпати прецизен беше Спасовски, додека четири погодоци имаше Божиновски.
Викендов следуваат уште две контролни средби пред враќањето во Скопје. Тимот на Бутел Скопје за ривали ќе ги има и составите на Шамот и Црвена Звезда.
