По трите порази, селекцијата на Ангола во четвртиот натпревар ја забележа првата победа на Олимписките игри во Токио, откако славеше над домаќинот Јапонија со 28-25 и го остави ривалот без место во четвртфиналето.
Јапонија водеше во првиот дел со 2-6, но со серија од шест погодоци Ангола направи пресврт и ја презема контролата, 8-6. Домаќинот успеа да стигне до 10-10, но на пауза се замина сепак со предност за африканскиот првак со 15-13.
Во второто полувреме Ангола константно беше во предност, во еден момент и со седум разлика, 22-15, и рутински го доврши мечот за конечни 28-25.
Најдобри стрелци кај победникот беа Сантос, Касома и Гуиало со по пет погодоци, а голманката Соуса собра 12 одбрани, додека кај Јапонија се истакна Хара со шест гола.
Ангола во последното коло игра со Кореја, Јапонија со Норвешка и двете селекции имаат мали шанси за место во четвртфиналето на ОИ.
ПОВРЗАНИ ВЕСТИ
