Еден од ривалите на Еурофарм Пелистер во групната фаза од Лигата на шампионите, Алборг, во претходниот период одигра неколку контролни натпревари.
Данскиот вицепрвак тестираше со Скјерн и Холстебро, како и со бундеслигашот Лајпциг. Ракометарите на Алборг против Скјерн и Холстеро забележаа победа со 35:28, односно 31:26.
Избраниците на Стефан Мадсен во дуелот против Лајпциг беа поразени со седум гола разлика, 40:33. На 18 август, тимот на Алборг ќе ги тестира силите против поранешниот европски шампион Фленсбург.
Алборг во Битола ќе гостува на 28 февруари, 2024 година, додека првиот дуел меѓу македонскиот шампион и данскиот тим ќе биде одигран на 20 септември во Данска.
ПОВРЗАНИ ВЕСТИ
