📷Нов бран ракометари надоаѓа – Македонија не треба да се грижи за иднината

Машката кадетска репрезентација на Македонија ја победи Словачка со 27:26 (14:14) во првиот квалификациски натпревар за пласман на Европското првенство во Црна Гора и направи голем исчекор кон исполнување на зацртаната цел. Одлична партија во редовите на „црвено-жолтите“ имаше Јован Петрески со осум погодоци, пет додаде Дамјан Митев, додека четири реализации запиша кружниот напаѓач Самоил Ристевски. За избраниците на Наум Танески следуваат натпреварите уште со Швајцарија и Косово. Доколку работите одат според планот, тогаш на Македонија за пласман на кадетскиот континентален собир ќе и биде потребно уште победа во натпреварот со Косово.