Ивено Балиќ, Никола Карабатиќ, Даниел Нарцис, Патрик Казал и семејството Ричардсон…некои од најголемите имиња во светскиот ракомет повторно облекоа дрес за гала мечот по повод 30-годишнината од смртта на Гастон Ричардсон кој се одржа во Сен Пјер на островот Реунион.
На паркетот на спортската сала Нелсон Мандела, љубителите на ракометот уживаа во спектакуларен меч кој заврши со нерешен резултат 46:46.
Во жолтиот тим играа хрватската икона Ивано Балиќ, францускиот стратег Патрик Казал и актуелниот олимписки и светски шампион Мелвин Ричардсон.
Во синиот тим настапија Даниел Нарцис, двапати олимписки и четирикратен светски шампион од Реунион, и легендарниот Никола Карабатиќ, кој трипати беше прогласен за најдобар играч во светот.
„Целта е да ги инспирираме младите на Реунион и да покажеме колку страст има оваа островска заедница кон ракометот,“ рече Мелвин Ричардсон.
Гастон Ричардсон, татко на славниот Џексон Ричардсон, почина во 1995 година, неколку дена по враќањето на својот син од Светското првенство, каде што Франција ја освои титулата.
30 години подоцна, семејството Ричардсон и целиот ракометен свет му оддаваат почит преку настан кој има и општествена цел – промоција на едукација и социјална инклузија преку спорт.
„Да продолжиме да работиме за младите. Тие заслужуваат признание и поддршка,“ порача Џексон Ричардсон.
Џексон Ричардсон се смета за најголемиот француски ракометар на сите времиња. Синот Мелвин продолжува по неговите чекори со злато од Токио 2020, а ќерката Илана Ричардсон исто така е активна ракометарка.
„Беше прекрасно да играм повторно со старите пријатели и да му оддадеме чест на човек кој му даде толку многу на францускиот и светскиот ракомет,“ изјави Карабатиќ.
Ivano Balic, Nikola Karabatic, Melvyn Richardson et d’autres pointures de handball mondial ont fait du grand spectacle lors du 30è Challenge Gaston Richardson pic.twitter.com/ED45rABSW2
— Réunion la 1ère (@reunionla1ere) July 6, 2025
