Познато е кои 16 екипи обезбедија место во осминафиналето на машкиот ЕХФ Куп. Денеска се играа шест дуели на терените ширум Европа на кои фаворитите забележаа победи и обезбедија пласман во осминафиналето.
Најубедлива беше екипата на АЕК Атина кои ја совладаа екипата на Приштина со многу високи 41:8. ЧСМ Букурешт сигна до втора победа против турскиот Спор Тото со 38:28 и го елиминираше со вкупна разлика од 16 гола разлика.
Уште еден турски претставник беше убедлво елиминиран, а тоа е Бејкоз кој беше поразен од Анортозис со 25:36. Пласман во следната рунда уште остварија и Саратов од Русија, Поважска Бистрица од Словачка и Вест Виена од Австрија.
Од претходно место во осминафиналето обезбедија словенечкиот Горење, австрискиот Ферлах, украинскиот Донбас, босанските Грачаница и Борац Бања Лука, потоа чешкиот Робе Зубри, романската Баја Маре, шведскиот Иштад, естонската Полва и рускиот Санкт Петербург.
ЕХФ КУП, 1/16 ФИНАЛЕ, РЕЗУЛТАТИ
САРАТОВ – МАШЕКА 30:28 (16:17)
ЧСМ БУКУРЕШТ – СПОР ТОТО 38:28 (19:11)
ПОВАШСКА БИСТРИЦА – ГРАНИТАС КАУНАС 28:28 (9:13)
ВЕСТ ВИЕН – БЕРХЕМ 32:29 (18:16)
ПРИШТИНА – АЕК АТИНА 8:41 (4:18)
АНОРТОЗИС – БЕЈКОЗ 36:25 (15:14)
