Еурофарм Пелистер загуби во Прешов, но го обезбеди 2. место

Ракометарите на Еурофарм Пелистер загубија на гостувањето кај тимот на Татран Прешов со 32:28,но поради победата на домашен терен против истиот ривал со 12 гола разлика веќе го обезбедија второто место во групата така што имаат добра стартна позиција за елиминациите во СЕХА.

Од почетокот на средбата домашните имаа контрола на резултатот. Натпреварот тргна со неизвесна игра, но после 4:4 во 9. минута ракометарите на Татран направија 3:0 и овие три гола им беа само сигнал за уште подобро продолжение од средбата.

Без проблеми се одеше кон игра во која тимот од Битола никако не успеваше да се доближи одново. Имаше намалување на водството на домаќинот, но не и израмнување. Највисоката предност беше четири гола, но Еурофарм Пелистер дојде само до два гола негатива. Кога требаше да се израмни се шутираше на празниот гол на противникот премногу лошо така што на одмор Татран Прешов замина со 16:14.

Во вториот дел Еурофарм Пелистер успеа да влезе во подобар ритам и да одигра подобро. На моменти имаше и гол негатива. Во 37. минута беше 17:18, конечно резултатот беше израмнет во 44. минута при 22:22.

Тука одново му беше дозволено на противникот да отиде на плус четири и на десет минути до крајот при 28:24 веќе беше јасно кој победува. До крајот тимот на Татран ја зачува предноста и победата, која на крајот беше изразена со четири гола и конечни 32:24.

Со овој пораз тимот на Еурофарм Пелистер остана само со теоретски шанси за првото место во Групата А од СЕХА, а второто е веќе сигурно обезбедено и нема да има проблеми бидејќи ниту Металопластика, ниту Татран нема да можат до него.

ТАТРАНЕУРОФАРМ ПЕЛИСТЕР 3 април 2021 32 - 28 Крај

Детали

Датум	Време	Лига	Сезона	Match Day	Крај
3 април 2021	19:17	СЕХА ЛИГА А	2020/2021	04.03.2021	60'

Резултати

Екипа	1-во полувреме	2-ро полувреме	Резултат
ТАТРАН	16	32	Победа
ЕУРОФАРМ ПЕЛИСТЕР	14	28	Пораз

ТАТРАН

#	Играч	Позиција	Исклучување	Голови
2	Оливер Рабек	лев бек	1	7
3	Нуно Сантос	десно крило	0	4
4	Педро Соуза Пачеко	централен бек	0	7
5	Томас Фех	десно крило	0	0
7	Гиљерме Линарес	десен бек	0	2
10	Томас Рецицар	лев бек	1	4
17	Јакуб Кравчак	лев бек	0	0
33	Давид Михалка	лево крило	0	0
55	Нино Грзентич	лев бек	0	1
66	Павел Кабаљеро	лево крило	0	4
73	Игор Чуприна	голман	0	0
77	Роман Чарапкин	пивот	0	3
86	Виничиос Колодети	голман	0	0
	Вкупно		2	32

ЕУРОФАРМ ПЕЛИСТЕР

#	Играч	Позиција	Исклучување	Голови
2	Матео Мараш	десен бек	0	2
4	Никола Маркоски	пивот	2	0
6	Бојан Маџовски	лево крило	0	2
7	Дејан Кукуловски	лев бек	2	0
9	Стипе Мандалиниќ	лев бек	0	7
11	Невен Стјепановиќ	десен бек	1	0
14	Марио Танкоски	централен бек	0	0
16	Благојче Трајкоски	голман	0	0
18	Јосип Периќ	централен бек	0	10
19	Ненад Костески	десно крило	0	2
21	Градимир Чаневски	голман	0	0
27	Дарио Петровски	лев бек	0	0
30	Мартин Велковски	десен бек	0	0
59	Елмир Граџан	пивот	0	4
66	Милан Ѓукиќ	десно крило	0	1
	Вкупно		5	28

СЕХА ЛИГА – ГРУПА А

ТАБЕЛА