Во организација на ракометниот клуб Бутел Скопје в сабота ќе се одржи хуманитарен турнир на кој ќе учествуваат четири младински тимови. Покрај Бутел Скопје ќе играат Мулти Есенс, Еурофарм Пелистер и Голден Арт.
Сите собрани средства ќе бидат наменети за помош на младата Јована Соломанова, која има само 15 години. Јована боледува од автоимуна болест (Lupus) и ја очекува многу скапо лекување. Во салата ќе бидат поставени кутии за донации, па секој присутен ќе може да донира колку што сака.
Натпреварите ќе се играат две полувремиња по 15 минути и ќе бидат на распоредот во текот на целиот ден. Покрај овој турнир, во салата „Антон Димитров“ в сабота ќе се игра мечот од Женската лига меѓу Металург и Овче Поле СУ од 16:30 часот, и тој ќе има хуманитарен карактер, па сите присутни ќе имаат можност да донираат.
РАСПОРЕД НА НАТПРЕВАРИ:
09:30 Бутел Скопје – Голден Арт
10:15 Еурофарм Пелистер – Мулти Есенс
11:00 Голден Арт – Мулти Есенс
11:45 Бутел Скопје – Еурофарм Пелистер
12:30 Бутел Скопје – Мулти Есенс
13:15 Голден Арт – Еурофарм Пелистер
16:30 ЖРК Металург – ЖРК Овче Поле СУ