Еден од најголемите трансфер-случаи во европскиот ракомет продолжува да се развива. Јоханес Гола, кој летово се пресели од Фленсбург во Мелсунген, ја повлекол вонредната изјава со која бараше предвремено раскинување на договорот.

▶▶▶  Добивај директно РАКОМЕТНИ ВЕСТИ на твојот мобилен телефон
Приклучи се на VIBER – https://abit.ly/viber-24rakomet . Со еден клик до сите вести.

Тоа, сепак, не значи дека се откажал од заминување. Гола и натаму сака да се врати во Фленсбург, клубот во кој мина осум години и во кој четири сезони беше капитен. Сега решение се бара преку директни преговори меѓу двата клуба.

Фленсбург веќе направил конкретен чекор. Според информациите на германската агенција ДПА, клубот понудил околу 700.000 евра за предвремено ослободување на Гола од договорот.

Мелсунген ја одбил понудата. Германските извори наведуваат дека клубот бара милионска сума за да се согласи на предвремена разделба со играч кој има договор до летото 2031 година. Тоа е и разбирливо од спортски аспект. Мелсунген го донесе Гола како еден од клучните играчи на новиот проект, а тој во клубот пристигна дури во јули годинава.

Само неколку месеци подоцна, ситуацијата целосно се промени. Дополнителна компликација е клаузулата во договорот на германскиот пикер. Според „Sport Bild“, во договорот е предвидена откупна сума од 500.000 евра плус данок, која важи ако интерес покажат шест конкретни клубови – Фленсбург, Барселона, Келце, ПСЖ, Рајн Некар Левен и Кил.

Но токму околу тоа кога може да биде активирана клаузулата постои правна дилема. Во документот стои дека можноста може најрано да стапи во сила на 30 јуни 2028 година, додека различни страни различно го толкуваат останатиот дел од формулацијата. Ако Мелсунген не обезбеди европски настап, предвидената сума се намалува на 375.000 евра.

Поради тоа трансферот за летото 2027 – или евентуално уште порано, не може едноставно да биде реализиран со активирање на клаузулата. Засега мора да има договор меѓу клубовите.

Капитенот на Германија претходно јавно објасни дека причините за неговата желба се семејни. Гола призна дека одлуката да потпише за Мелсунген била донесена многу порано, а во меѓувреме животните околности на неговото семејство се промениле.

Во својата јавна реакција тој нагласи дека ситуацијата веќе не е само прашање на носталгија и дека сериозно влијае врз неговата ментална состојба. Мелсунген потоа потврди дека причините за неговото барање се поврзани исклучиво со семејната ситуација. Гола продолжи нормално да тренира и да настапува за Мелсунген и покрај целата ситуација.

▶▶▶  Добивај директно РАКОМЕТНИ ВЕСТИ на твојот мобилен телефон
Приклучи се на VIBER – https://abit.ly/viber-24rakomet . Со еден клик до сите вести.

Чаир од почетокот го диктираше резултатот на гостувањето кај Пелистер и стигна до победа од 36-22 (20-10). Мечот наместо во Битола се играше во Скопје, па Чаир само условно беше гостин. По овој натпревар, Чаир е трет на табелата со девет бода од шест меча, а Пелистер е седми со еден бод, исто така од шест натпревари.

Чаир ги постигнаа првите два гола, Пелистер израмни, но потоа постојано беше во негатива. Чаир во 11. минута поведе со 8-4, по што битолскиот тим побара тајм-аут. Разликата продолжи да расте и во 15. минута резултатот беше 11-5 за чаирчанки.

Клучниот период дојде веднаш потоа. Од 11-5, Чаир постигна седум гола во низа и во 23. минута побегна на 18-5. Пелистер успеа да го прекине налетот и до паузата да намали на 10-20, но не и да ја доведе во прашање предноста на ривалот.

На почетокот од вториот дел Чаир повторно се оддалечи, од 21-11 на 24-11. Битолчанки потоа стигнаа до 14-24, но секој нивен обид да ја намалат негативата добиваше одговор. Во финишот избраничките на Басри Љатифи поведоа и со 36-20, пред Пелистер со два гола да го постави конечниот резултат.

Рона Мифтари беше најефикасна кај Чаир со 12 гола, Стефани Ристиќ постигна седум, а Росана Павлова шест. Кај Пелистер се истакнаа Ана Стојчевска со осум, Сара Котевска со шест и Даниела Шиниковска со пет гола.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

Денеска во центарот на вниманието на македонската јавност ќе биде настапот на Бутел Скопје во ЕХФ Европскиот Куп и гостувањето кај хрватската Горица.

Бутелци под водство на Стојанче Стоилов се подготвени за предизвикот на меѓународна сцена против тимот што има одличен старт на сезоната во хрватскиот шампионат, шест победи на шест меча, а една против учесникот во ЛЕ – Сесвете и тоа на гостински терен.

Мечот меѓу Горица и Бутел Скопје се игра вечерва од 18:00 часот во градската сала во Велика Горица.

Покрај мечот на Бутел Скопје, интересен ќе биде и дуелот од Регионалната лига кај дамите меѓу шампионот Ѓорче Петров и српскиот Бор, кој се игра во салата „Кочо Рацин“ од 18:00 часот. „Лавиците“ со триумф ќе се вклучат во битка за првото место во групата Б од регионалната конкуренција.

Освен двата меча на македонските преставници на меѓународна сцена, на домашна сцена актуелни се натпреварите од Супер лигата во машка и женска конкуренција, како и од Првата лига во двете конкуренции.

Кај мажите, интересно ќе биде во Куманово, каде гостува Младост Богданци, додека вицепрвакот Еурофарм Пелистер ќе игра на гости кај Прилеп и ќе биде фаворит за нови бодови.

Во прволигашката конкуренција ќе се одигра дербито меѓу Аеродром и Драчево Јуниор, а ќе има и регионален двобој меѓу Радовиш и штипски Текстилец.

ДЕНЕСКА НА ТЕРЕНИТЕ:

18:00 ЃОРЧЕ ПЕТРОВ – БОР (РЕГИОНАЛНА ЛИГА)
15:00 ДЕСПИНА – СПАРТАК (МАКЕДОНИЈА)
17:00 АТЛЕТИК – ВАРДАР (МАКЕДОНИЈА)
19:00 ГЕВГЕЛИЈА ЈУГ – АСТИБО (МАКЕДОНИЈА)
19:30 ШАМПИОН – СТРУЖАНКА (МАКЕДОНИЈА)
18:30 ПРИЛЕП – ЕУРОФАРМ ПЕЛИСТЕР (МАКЕДОНИЈА)
16:30 КУМАНОВО – МЛАДОСТ БОГДАНЦИ (МАКЕДОНИЈА)
19:00 АЛКАЛОИД – ФЕРЛАХ (ЕХФ КУП)
18:00 ГОРИЦА – БУТЕЛ СКОПЈЕ (ЕХФ КУП)
18:30 ВАРДАР НЕГОТИНО – ПАРТИЗАН ГЕВГЕЛИЈА (МАКЕДОНИЈА)
18:00 РАДОВИШ – ТЕКСТИЛЕЦ (МАКЕДОНИЈА)
19:00 ОВЧЕ ПОЛЕ – ПРЕСПА (МАКЕДОНИЈА)
19:00 ИЛИНДЕН – СОКОЛ САСА (МАКЕДОНИЈА)
17:00 АЕРОДРОМ – ДРАЧЕВО ЈУНИОР (МАКЕДОНИЈА)

Селекторот на машката репрезентација на Хрватска, Дагур Сигурдсон, го објави списокот на ракометари пред стартот на квалификациите за ЕП 2028.

Тој смета на 19 ракометари за двете средби со Литванија и Финска, а меѓу нив се наоѓа и еден од македонското првенство.

Станува збор за левиот бек на Вардар, Леон Љевар, кој ова лето го засили македонскиот првак.

Покрај Љевар, на списокот се проверени имиња како Циндриќ, Срна, Лучин, Мартиновиќ, Кузмановиќ…а недостига само Лука Ловре Кларица од Келце кој е повреден.

Хрватска ги стартува квалификациите за ЕП 2028 на 4 ноември во Сплит против Литванија, додека на 8 ноември е пресметката на гости кај Финска.

Во квалификациската група е уште Холандија, против која Хрватите ќе играат двомеч во март догодина.

Тимот на Охрид ги пушти во продажба билетите за натпреварите од второто коло во ЕХФ Европскиот Куп против турскиот Спор Тото.

Двата натпревари ќе се одиграат во СРЦ „Билјанини извори“ на 23 и 24 октомври, со почеток од 18:30 часот.

Билетите за натпреварите ќе може да се набават исклучиво на билетарата при СРЦ „Билјанини извори“ по популарни цени.

Билет за еден натпревар ќе чини 200 денари, а блок билет за двата натпревари 300 денари, а тие ќе се продаваат на билетарницата на салата.

Продажбата започна од вчерашниот ден, а ќе се одвива секој ден од 15:00 до 18:00 часот.