Ракометарките на Спартак и натаму ја продолжуваат серијата без пораз во Супер женската лига и по ремито со Чаир, славеа триумф на гости кај Деспина со 36-23.

Домаќинките пружија солиден отпор во првото полувреме, кое заврши во корист на Спартак со 16-13.

На стартот на вториот дел, избраничките на Симе Симовски постигнаа шест гола по ред за 22-13, десетина минути не примија гол и тука беше решен победникот на овој меч.

Најдобри стрелци во победничкиот тим беа триото Николовска, Цветановска и Јершек со по пет гола, додека кај Деспина се истакна Ристеска со седум реализации.

На табелата Ѓорче Петров и Спартак имаат по десет бода, но „лавиците“ имаат меч помалку, додека Чаир е трет со седум бода и натпревар помалку.

Сега следува репрезентативна пауза и ЕХФ недела, а во следното коло Деспина ќе гостува кај Чаир, а Спартак ќе го предизвика шампионот Ѓорче Петров.

Тимот од Автокоманда направи голем чекор кон третото коло на Европскиот куп на ЕХФ, откако во Скопје го совлада австриски Ферлах со 31-22 (16-11). Сино-белите ја контролираа средбата во најголемиот дел, а со четири гола по ред во завршницата ја зголемија предноста пред реваншот.

Ферлах на почетокот поведе со 2-1, но домаќините брзо го презедоа резултатот. Од 3-2 стигнаа до 6-2, а во 21. минута водеа со 13-8. Разликата се движеше околу четири и пет гола, па на полувреме тимот од Автокоманда имаше сигурни 16-11.

На почетокот од вториот дел предноста порасна на 19-13, но гостите не се откажаа. Со подобар период намалија на 20-17 во 43. минута, најавувајќи поинтересна завршница. Одговорот на сино-белите беше брз: повторно се одлепија на пет гола, а во 53. минута водеа со 27-21.

Токму финишот донесе уште поголема залиха. Ферлах остана без гол додека домаќините од 27-21 стигнаа до 31-21. Последниот погодок на гостите го постави конечниот резултат, но не ја намали значително предноста со која македонскиот тим ќе отпатува во Австрија.

Марко Митев беше прв стрелец со седум гола, Никола Костески постигна шест, Монси Тордарсон пет, а Матиц Сухолежник четири. Кај Ферлах, Тони Перкушиќ даде седум, а Адријан Миличевиќ пет погодоци.

Реваншот се игра во Ферлах на 24 октомври. Тимот од Автокоманда во него влегува со девет гола предност, но пласманот во следното коло ќе биде потврден дури по вториот натпревар.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

Борис Ројевиќ мирно можеше да го гледа мечот на Охрид на гостувањето во Автокоманда, иако тој не беше на клупата. Гладијаторите“ очекувано триумфираа, и тоа „двоцифрено“ против вториот тим од Автокоманда со 42-26

Поради вироза дома останаа тренерот Борис Ројевиќ, и Гоце Ојлески и Дарко Ѓукиќ. Поради повреда се уште во составот на Охриѓани не игра ниту Томислав Јагуриновски. Но, и со таков состав тие се многу посилни од повратникот во Супер лигата.

Со новите бодови Охрид се оддалечи од другите и останува дел од четворката на врвот, сега има 11 бода, два помалку од привремениот лидер Еурофарм Пелистер кој има 13, и Вардар кој има 12, но и меч помалку.

Гостите рано го презедоа резултатот, а клучна беше серијата од пет гола без одговор со која од 3-3 стигнаа до 8-3 во 11. минута. Тогаш се најави дека нема да има неизвесност на средбата.

Домашните го отворија мечот со водство од 2-1, но по израмнувањето на 3-3 Охрид ја зацврсти одбраната и брзо се одлепи. При 3-7 домашните не реализираа седмерец, а негативата потоа порасна на 3-8. Во 22. минута гостите водеа со 16-9, а во 27. минута и со 17-9. До паузата домашните постигнаа уште четири гола, но Охрид ја задржа предноста – 21-13 на полувреме.

И во продолжението охриѓани први ја зголемија разликата. Поведоа со 23-13, а во 34. минута првпат стигнаа до десет гола предност, 24-14. Домашните во овој период промашија контранапад и неколку изгледни шутеви, додека Дино Славиќ продолжи со одбраните. Во 38. минута сопре и седмерец на Горазд Дамчевски.

Во последните 10 минути од мечот гостите влегоа со предност од 35-20, и се беше решено, освен со колкава предност за Охрид ќе за врши средбата. Стигна Охрид по вторпат до највисоките „плус 16“, а потоа 2-3 пати не реализираше напади после кои домашните намалија на 38-25. На крај разликата пак беше „плус 16“, 42-26.

Доминик Мате со 8 гола, и Никола Лиапис со 6, и Давид Савревски и Никола Зечевиќ со 5 беа најефикасни кај госите, додека Дарјан Ѓокески, Христијан Гурмешевиќ и Стефан Ѓоргиевски со по 4 најпрецизни кај домапните.

Македонскиот чувар на мрежата Андреј Петковски ја продолжи одличната форма во чешкиот шампионат.

Иако неговиот тим Плзен загуби на гостувањето кај Брно со 35-31, Петковски одново беше на ниво и меѓу најдобрите поединци.

Тој успеа да запре 11 удари на противничките ракометари, но немаше голема поддршка од соиграчите, па Плзен го запиша првиот сезонски пораз.

Сега тимот на Петковски е втор на табелата со 11 бода, зад Карвина која има 12, а во следното коло ќе има лесна задача на домашен терен против составот на Копривнице.

Ракометарите на Овче Поле прославија триумф над Преспа со 28-24 во 6 коло од прволигашката конкуренција.

Гостите од Ресен парираа одлично дваесетина минути, кога домашните во Свети Николе водеа со 7-6, но потоа имаше огромен пад во играта на Преспа.

Овче Поле даде седум гола за седум минути за 14-6 и практично го реши прашањето на победникот на овој меч.

Гостите ја преполовија високата негатива во вториот дел, но немаа сили за комплетен камбек и бодовите останаа во Свети Николе.

Најдобри стрелци во победничкиот тим беа Филип Петровски со десет и Кристијан Стаменков со шест гола, а десет гола за Преспа постигна Благој Христовски.