Ракометарките на Ѓорче Петров 2 ја запишаа втората победа во Супер женската лига во петтото коло.

Избраничките на Милева Велкова прославија триумф над Деспина со 40-25, а до паузата го решија победникот откако водеа со 18-11.

Сите ракометарки добија шанса да настапат во домашниот тим, а освен голманките Гошевска, Наумоска и Илиоска, сите други се запишаа во листата на стрелците.

Најефикасни во победничкиот тим беа Антонела Ѓероска со седум и Ангела Цветановска со шест погодоци.

На табелата Ѓорче Петров 2 е на четвртата позиција со пет бодови, додека Деспина останува последна со еден бод.

Ракометарите на Еурофарм Пелистер имаат негатива од пет гола на гостувањето кај Гумерсбах, 20-15, во мечот од третото коло во Лигата на Европа. Пелистерци парираа одлично петнаесетина минути, па имаа мал пад во играта што беше искористен максимално од домашните за да направат плус шест, битолчани намалија на минус три, но момците на Сигурдсон казнија две технички грешки за пет гола залиха за вториот дел.

Пелистерци поведоа со 2-0 со головите на Серафимов и Ристевски, а Митревски фати и пенал на Рогановиќ, но Гумерсбах ги казни двете промашувања на битолчани и направи пресврт, па по седум минути беше 5-3 за домашните.

Червар ја форсираше играта „седум на шест“ на стартот на мечот, а тоа даваше плод со асистенција до Пешевски или Ристевски, или беше изнудуван пенал. Еурофарм Пелистер израмни на 5-5, а во продолжение се играше гол за гол.

Душебаев беше меѓу најекспонираните ракометари на Гумерсбах и им задаваше проблеми на пелистерци, а по дваесетина минути Червар мораше да бара тајм-аут, кога Гумерсбах отиде на плус четири, 13-9.

Беше 10-9, следуваа две грешки во додавањата и два погодока на празен гол, па две одбрани на Облинг, и со серија од четири гола домаќинот направи солидна залиха. „Црната серија“ ја прекина Кузмановски со гол од пенал за 14-10.

Беше највисоки плус шест за Гумерсбах, 16-10, со два врзани гола на Кузмановски се намали негативата, 17-14, но повторно две грешки и домашните отидоа на плус пет, 19-14. Имаше уште по еден гол на двете страни пред паузата.

Европската ракометна федерација ги делегираше официјалните лица за натпреварите од четвртото коло во Лигата на шампионите.

Вардар ќе му гостува на полскиот вицепрвак Висла Плоцк во текот на утрешниот ден, а ЕХФ делегираше арбитри од Литванија.

Станува збор за Томас Барисас и Петрусис Повилас кои ќе делат правда, а делегат ќе биде Чехот Јири Конечни.

Натпреварот меѓу Висла Плоцк и Вардар ќе се игра во „Орлен Арена“ утре со почеток од 18:45 часот.

Четири македонски претставници Вардар, Еурофарм Пелистер, Охрид и Бутел Скопје во следниот период ќе ги одиграат своите европски натпревари во Лигата на шампионите, Лигата на Европа и ЕХФ Купот.

Вардар го чека втор двобој со Висла Плоцк. Иако полскиот вицепрвак најави дека ќе игра со младинци на мечот со Хробри Глогов, сепак се премисли и со првиот состав славеше на гостински терен со 31-24. Поради доцното враќање од Скопје, Висла побара одложување, но не наиде на разбирање од ривалот и федерацијата, па мораше да се игра дуелот.

Чави Сабате им даде одмор само на Сердио и Јанц, а најдобри стрелци беа Ричардсон со седум и Косоротов со пет гола, додека голманот Алиловиќ имаше 11 одбрани.

Мелсунген загуби изненадувачки на гости кај Ерланген со 33-32, иако голманот Симиќ одново имаше солидно издание со 12 голови. Најдобар стрелец беше Ендерлејт со пет гола, а по четири дадоа Стефансон, Мандиќ, Гола и Штехл.

Нант немаше големи проблеми и го победи составот на Каен со 38-31. Голманот Бонде, како и на мечот во Скопје против Вардар беше човек на одлука со 16 одбрани, а меѓу стрелците се истакнаа Леополд со осум и Турченко со седум погодоци.

Следниот ривал на Еурофарм Пелистер, Гумерсбах го одложи мечот од Бундес лигата и имаше долго време да се подготви за двобојот со битолчани, додека Вибжеже Гдањск и Ла Риоха запишаа победи во своите домашни првенства.

Вибжеже Гдањск славеше против Гвардија Ополе со 34-31, a најдобри стрелци беа левото и десното крило, Чаплински и Михалович, со осум, односно шест погодоци, додека Ла Риоха победи на гости кај Куенка со 36-32. Mигел Мартинез стрелаше шест пати, Јунг и Ломбарди постигнаа по четири гола, додека голманот Ледо не бранеше на овој меч.

Противникот на Охрид во ЕХФ Европскиот Куп, Спор Тото славеше на гости кај Михаличик со 33-27. Keлешоглу даде шест гола, а Билем и Бичер имаа по пет реализации. Ривалот на Бутел Скопје, хрватската Горица победи на гостински терен против составот на Чаковец со 33-31. Стандардно најдобри стрелци беа Караула со осум и Грубишиќ со седум гола.

▶▶▶  Добивај директно РАКОМЕТНИ ВЕСТИ на твојот мобилен телефон
Приклучи се на VIBER – https://abit.ly/viber-24rakomet . Со еден клик до сите вести.

Ракометарите на Еурофарм Пелистер денеска пристигнаа во Гумерсбах, каде што утре ги очекува нов голем предизвик во Лигата на Европа.

Момците на Лино Червар го одработија последниот тренинг пред утрешната пресметка на која ќе се брка позитивен резултат за да останат надежите за елиминациите во ЛЕ.

Битолчани досега имаат пораз дома од Ла Риоха и бод на гостински терен кај Вибжеже Гдањск, на меч на кој можеа да победат.

Натпреварот меѓу Гумерсбах и Еурофарм Пелистер се игра утре во „Швалбе Арена“ од 18:45 часот.