Генерацијата што ни донесе многу радости – сите славеници на едно место (ФОТОГАЛЕРИЈА)

Генерацијата на ракометари што играа на големите натпреварувања од 2009 па наваму за Македонија, вечерва во преполниот СЦ „Борис Трајковски“ го имаа своето простување од публиката. Иако за дел од нив тоа беше вторпат, за некои третпат, сепак сега беа сите на едно место. Стоилов, Миркуловски, Филип и Кире Лазарови, Ацо Јоновски, Раде Стојановиќ, Стевче Алушовски...и уште 15 други ракометари, кои ни носеа големи радости низ годините од РФМ добија врамени дресови и благодарност за придонесот во националниот тим, а од публиката во салата уште еден голем аплауз за официјалното заминување во репрезентативна пензија...