📷 Унгарија во Келн испиша историја, се радуваше на најголемиот успех на ЕП!

Репрезентацијата на Унгарија настапот на Европското првенство 2024 го заврши на петтото место, откако со пресврт славеше над Словенија со 23:22. Најголем удел во победата над Словенија имаа искусните Бенце Банхиди и Мате Леаки, кои постигнаа по пет погодоци, а голманот Ласло Батруц запиша десет интервенции. За Унгарија освоеното петто место е најголемото достигнување на континенталните собири, претходно најголемиот успех на Унгарците на Европските првенства беше освоеното 6-то место во далечната 1998.