Ракометарите на Бутел Скопје ги очекува предизвик во ЕХФ Европскиот Куп и гостување кај хрватската Горица.

Капитенот на Бутел Скопје, Димитар Ѓоргиевски, досега беше дел од сите европски настапи на клубот, а ова ќе биде петти негов настап во Европа.

Тој смета дека ривалот има квалитетен ростер и не за џабе има шест победи на шест меча во хрватскиот шампоионат, меѓу кои и триумф над учесникот во Лигата на Европа, Сесвете, со 32-31.

„Не очекува еден тежок двомеч со квалитетен противник, но мислам дека имаме реални шанси да го поминеме првото коло. Добро ги анализиравме во текот на оваа недела,во добра форма се во нивното првенство, нема некое познато име, но играат доста квалитетен ракомет. Со наша добра одбрана и паметни решенија во нападот, имаме шанса за позитивен резултат“, смета Ѓоргиевски.

Бутел Скопје е рангиран повисоко од страна на ЕХФ од хрватскиот состав. Mакедонскиот тим е на 39 место, додека Горица дури на 55 позиција.

„Искрено сум изненаден што се толку ниско рангирани според ЕХФ, ние ќе дадеме се од себе да ја оправдаме фаворитската улога доколку не сметаат за фаворити“, вели Ѓоргиевски.

Првиот меч меѓу Горица и Бутел се игра утре од 18:00 часот, додека реваншот е на 24 октомври од 17:00 часот во Скопје.

Ракометарите на Бутел Скопје го одработија последниот тренинг пред првиот натпревар од второто коло од ЕХФ Европскиот Куп против хрватската Горица.

Во градската сала во Велика Горица, тренерот Стојанче Стоилов и неговите избраници ја скроија тактиката за утрешната пресметка.

Натпреварот меѓу Горица и Бутел Скопје се игра утревечер од 18:00 часот во градската сала во Велика Горица, а судии се Словенците Сатлер и Пукшиќ.

Ова ќе биде петти настап во Европа за македонскиот претставник, откако претходно играше двапати во Лигата на Европа и двапати во ЕХФ Европскиот Куп.

Ракометарите на Пролет ги освоија двата бода на гостувањето во Гостивар, откако славеа на гостински терен кај Јехона со 34-32.

Предводник на скопскиот состав во победата беше Јован Соколоски, кој успеа да постигне 12 гола во мрежата на домашните.

Натпреварот во најголемиот дел беше израмнет, гостиварци имаа водство во неколку наврати, но Пролет ја имаше контролата во второто полувреме и диктираше темпо.

Јехона се врати во егал, 27-27 на десетина минути до крајот, потоа Пролет отиде на плус два и не дозволи ниту еднаш потоа камбек на гостиварци.

Во последната минута Пролет водеше со 34-31, а Трифуноски погоди само за до го ублажи поразот.

Покрај Соколоски, во победничкиот тим по шест гола дадоа Фичорски и Давитковски, додека за Јехона премалку беа 13 погодоци на Трифуноски.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

Ракометарите на Овче Поле прославија триумф над Преспа со 28-24 во 6 коло од прволигашката конкуренција.

Гостите од Ресен парираа одлично дваесетина минути, кога домашните во Свети Николе водеа со 7-6, но потоа имаше огромен пад во играта на Преспа.

Овче Поле даде седум гола за седум минути за 14-6 и практично го реши прашањето на победникот на овој меч.

Гостите ја преполовија високата негатива во вториот дел, но немаа сили за комплетен камбек и бодовите останаа во Свети Николе.

Најдобри стрелци во победничкиот тим беа Филип Петровски со десет и Кристијан Стаменков со шест гола, а десет гола за Преспа постигна Благој Христовски.

Овче Поле СУ продолжува со одличните настапи во Првата лига, откако во натпревар од 5 коло славеше убедлива победа на гостувањето кај Јехона во Гостивар со 51-14.

Гостинките уште од самиот почеток ја наметнаа својата игра и покажаа дека се големи фаворитки против младиот состав на Јехона.

Овче Поле СУ поведе со 16-1 за 17 минути игра, а до крајот на натпреварот постигна уште 35 погодоци за убедлив триумф.

Најефикасни во победничкиот состав беа Анастасија Сентовска и Јована Ангеловска, кои постигнаа по десет гола. Во редовите на Јехона, Алтина Хасани се истакна со седум погодоци.

Со оваа победа, Овче Поле СУ останува на врвот на табелата со максимални десет бода по пет одиграни кола.