Некогаш големиот талент на хрватскиот ракомет, десниот бек Шиме Ивиќ, по ангажманот во Олимпијакос, се врати дома и ќе го носи дресот на Трогир. Ивиќ беше дел од Лимож, Екс Ан Прованс, Минден, АЕК Атина, Мешко Брест, Висла Плоцк…

Српскиот вицепрвак Војводина потпиша договор со левиот бек од Египет, Карим Хамди, кој ја мина пробата во Охрид за време на турнирот „Крсте Андоновски“. Хамди претходно беше дел од хрватската Дубрава и босанската Слобода Тузла.

Левото крило Давид Мандиќ ја продолжи верноста кон бундеслигашот Мелсунген и ќе остане таму најмалку до 2030 година. Иако има големи проблеми со повредите, сепак Мандиќ е важна алка во составот на Роберто Парондо.

Некогашниот десен бек на екипата на Струга, Лазар Ристиќ, во новата сезона ќе ги брани боите на новиот српски суперлигаш Железничар Југ. Тој претходно играше за босанскиот тим Горажде и словачкиот состав Захораци.

Нант и Висла Плоцк, двата ривали на Вардар во групната фаза од Лигата на шампионите, одиграа вистинска драма во Франција. Домашниот тим славеше со 26-25, со погодок постигнат буквално со звукот на сирената.

Висла одлично го отвори натпреварот и во осмата минута имаше убедливо водство од 5-0. Полјаците поведоа и со 8-3, но Нант постепено ја консолидираше играта и во 21. минута израмни на 10-10. На паузата резултатот беше 11-11.

Францускиот состав подобро го започна второто полувреме и во 39. минута стигна до водство од 17-14. Висла не дозволи противникот да се одлепи, а во последните десет минути се влезе со само еден гол предност за Нант, 22-21.

Следуваше неизвесна завршница во која двата тима постојано се менуваа во водство. На 35 секунди до крајот Давид Давижик израмни на 25-25, но Нант го искористи последниот напад. Ноам Леополд погоди во последната секунда и донесе голема победа за францускиот претставник.

Најефикасен кај Нант беше Тарафета со девет гола, Леополд постигна шест, а Турна три. Кај Висла се истакна Давидзик со седум погодоци, Митја Јанц реализираше шест, додека Зоран Илиќ натпреварот го заврши со четири гола.

Овој дуел покажа дека Вардар го очекуваат исклучително тешки пресметки со двата противника. Висла, и покрај поразот, демонстрираше голем квалитет на гостински терен, додека Нант потврди дека ќе биде еден од главните кандидати за првите позиции во групата.

Во останатите натпревари од вечерниот термин немаше неизвесност. Барса пред својата публика убедливо го совлада Архус со 39-28. Данскиот состав се држеше до средината на првото полувреме, кога резултатот беше 8-8, но каталонскиот гигант до паузата се одлепи на 18-13.

Барса во второто полувреме целосно ја презеде контролата и во еден период имаше и 12 гола предност. Дика Мем беше најефикасен со седум погодоци, Петар Цикуша постигна шест, а Лудовик Фабрегас пет. Кај Архус, Емил Лерке реализираше осум гола.

Убедлива победа забележа и Магдебург, кој на домашен терен го декласира Колстад со 37-22. Германскиот тим уште на полувремето имаше водство од 19-12, а во продолжението разликата достигна и до 15 гола.

Омар Инги Магнусон беше прв стрелец на Магдебург со седум гола, Матијас Муше постигна шест, додека кај Колстад најефикасен беше Симон Јепсон со пет погодоци.

Лига на шампиони, 1 коло:

група А
Веспрем – Порто 36-28
10/09, 18:45, Партизан – Фуксе Берлин

група Б
Нант – Висла Плоцк 26-25
10/09, 20:45, Мелсунген – Вардар

група Ц
Алборг – ПСЖ 33-33
Загреб – Целје 31-29

група Д
10/09, 18:45, ПИК Сегед – Кристијанштад
10/09, 20:45, Спортинг Лисабон – ГОГ Гудме

група Е
Барселона – Скандерборг Архус 39-28
10/09, 18:45, Динамо Букурешт – Монпелје

група Ф
Келце – Криенс Луцерн 30-29
Магдебург – Колстад 37-22

Ако се гледа само резултатот на крај од мечот и на полувреме, заклучокот е дека актуелниот вицеправак на Македонија рутински стигнал до бодовите на дуелот со вториот тим од Автокоманда. Но, на терен сликате беше сосема поинаква. Тимот предводен од Никола Матиески до 18 минута имаше водство. До тој период „витамините“ играа одлично па и предност од 3-4 гола што ја имаа беше заслужена за нив, а изненадувачка за домаќините.

Еурофарм Пелистер победи со 38-27 (18-14). За Еурофарм Пелистер ова се први победнички бодови, откако во првото коло освои бод на гостувањето кај Охрид. „Витамините“ во братскиот дуел загубија во Автокоманда.

Лино Червар реши на овој дуел со аутсајдерот да ги одмора Кузмановски, Видомски, Пешевски и Митревски. Влегоа битолчани многу „опуштено“ па можеби малку и со потценување кон повратникот во Супер лигата. И тоа им донесе почетни проблеми. Иако имаа негатива од неколку гола, Лино Червар не побара тајмаут, туку остави играчите самите да се изборат, и со измените што ги правеше ја најде поставата која може да направи и пресврт и да донесе водство.

И од негативата 1-5, 4-8, 8-10 домашните во 21 минута првпат израмнија, на 11-11, уште неколку минути беше „неизвесно“, а потоа со серија погодоци Еурофарм Пелистер зголеми на 18-14, резултат со кој се замина во соблекувалните на полувреме.

Веќе на стартот од вториот дел домашните зголемија за „плус 6“ и како да ги решија сите дилеми. Десет минути остана таа разлика од 5-6 гола, по што Еурофарм Пелистер пак направи серија со која отиде на „плус 9“ и водство 27-18, во 43 минута по што Матлиески мораше повторно да бара тајмаут.

Ненад Белистојаноски ја играше „својата партија“ и во 44 минута му донесе водство 28-18 на својот тим. Веќе немаше дилеми кој ќе ги освои бодовите, Еурофарм Пелистер, но остана нејасно со колкава разлика ќе заврши мечот.

Ненад Белистојаноски со 8 гола, и Мирче Кајалџиоски и Петар Атанасијевиќ со по 6 гола беа најефикадни кај домашните, а Матеј Тевдовски даде 5 за госите

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

Новата сезона во ЕХФ Европскиот куп за мажи започна денеска, а во третото по ранг европско клупско натпреварување ќе учествуваат рекордни 38 екипи уште од првото коло.

Во првиот меч, екипата на Трогир од Хрватска, славеше над ВИФ од Фарски Острови со 22-16, а реваншот го игра утре пред своја публика.

Во текот на овој викенд ќе бидат одиграни седум двомечи од првото коло, а уште два двомечи ќе се играат во текот на следната недела, од понеделник до четврток. Дополнителни два двомечи се закажани за следниот викенд, меѓу кои ќе биде и оној на Тиквеш и Еш од Луксембург во Кавадарци.

Актуелниот шампион, Охрид, својата одбрана на титулата ќе ја започне од второто коло, каде што се веќе пласирани Бутел Скопје и тимот на Кирил Лазаров, а се очекува да им се придружат и кавадарчани.

ЕХФ Европскиот куп оваа сезона постави нов рекорд со бројот на учесници. Во првото коло ќе настапат 38 екипи од 21 држава, а најмногу претставници имаат Грција, Израел, Луксембург, Турција и Австрија – по три клуба во оваа рунда.

Вкупно 83 клубови се пријавени за борба за трофејот. По завршувањето на првото коло, 19 победници ќе им се приклучат на 45 екипи кои се директно пласирани во второто коло, кое ќе се игра во октомври, а ждрепката за двојките ќе биде на 22 септември.

Меѓу учесниците во првото коло е и Потaиса Турда, поранешен освојувач на ова натпреварување. Романскиот клуб ја освои титулата во 2018 година, кога натпреварувањето се викаше Челинџ куп.

Во првото коло ќе има и две добро познати имиња од Бундес лигата. Шиме Ивиќ, кој сега настапува за Трогир, од 2019 до 2023 година играше за Ерланген и Лајпциг. Од друга страна, Лени Рубин, нов ракометар на Берн, последните шест сезони ги мина во германската елита, каде што ги носеше дресовите на Вецлар и Штутгарт.

ЕХФ Европски Куп, 1 коло, распоред на натпревари:

Трогир – ВИФ 25-20
Истанбул – Свиеса Вилнус
Талина Мистра – Велазними
Берн – Макаби Тел Авив
Драма – Будванска Ривиера
Омонија – Гранитас Карис
Калиш – Брно
Беса Фамгас – Јоникос
Холон Јувалим – Албатро Сиракуза
Киндил – Ферлах
Дубочица – Алпла Хард
Горење Велење – Парнасос Строволу
Дуделанж – ПАОК
Гиресунспор – Фиверс Маргаретен
Сутјеска – Берхем
Вогошча – Спор Тото
Конверзано – Макаби Ришон Ле Зион
Потаиса Турда – Коњух Живинице
Тиквеш – Еш

Поранешната српска репрезентативка Драгана Цвијиќ, која неодамна стави крај на својата богата играчка кариера, ќе остане дел од националниот тим, но во нова улога.

Цвијиќ ќе биде дел од стручниот штаб на новата селекторка Сандра Колаковиќ и ќе ѝ помага во работата со српската репрезентација. Нејзиното огромно искуство од теренот треба да биде значаен адут за новиот стручен штаб, особено во периодот на создавање на новата генерација.

Србија во моментов минува низ големи промени. Од репрезентацијата се прости Катарина Крпеж Шлезак, додека Цвијиќ ја заврши играчката кариера.

Колаковиќ за првата репрезентативна акција повика и неколку нови имиња. Србија подготовките ќе ги започне на 17 септември во Крушевац, а на 23 септември ќе пристигне во Охрид, каде што ќе настапи на „Трофеј Македонија“ заедно со нашата селекција, Црна Гора и Хрватска.

За Колаковиќ, турнирот во Охрид ќе биде прва сериозна можност да го постави системот на игра и да добие појасна слика за кандидатките за ЕП, а сега покрај себе ќе има и едно добро познато лице – Драгана Цвијиќ, која по завршувањето на играчката кариера започнува ново поглавје во српскиот ракомет.

Цвијиќ најдолго време играше за Будуќност, а во играчката кариера покрај за Вардар, каде што мина една сезона, беше дел од Црвена Звезда, Крим, ЧСМ Букурешт, ЦСКА Москва и Ференцварош.