📷 Вардар фаќа ритам, уште еден чекор до битка за трофеј

Ланскиот освојувач на трофејот во Струга, Вардар, со победа го отвори настапот на Струшкиот турнир, откако славеше против Тиквеш со 34-27. Победникот беше најавен по првото полуреме кое Вардар го доби со 15-11. Во вториот дел кавадарчани заиграа подобро, намалија на минус два, но немаа сили за завршен удар и Вардар до крајот одигра само рутински. За пласман во финалето, на „црвено-црните“ ќе им треба уште победа над Гуиф.