Босна е штиклирана, допрва следуваат вистинските предизвици за младинките (ФОТОГАЛЕРИЈА)

Младинската женска репрезентација на Македонија имаше перфектен старт на ЕХФ шампионат што стартуваше денеска во Скопје. Избраничките на Љубомир Савевски триумфираа убедливо со 11 голови разлика, 39-28 над Босна и Херцеговина. Нашите ракометарки одиграа одлично во нападот со 76% реализација, додека и голманките беа одлични со 15 интервенции. Следен предизвик ќе биде селекцијата на Фарски Острови в понеделник, додека вистинскиот испит за можностите ќе биде средбата со Холандија, која славеше убедливо над Косово со 53-14.