Селекторот на женската репрезентација на Германија, Маркус Гаугиш, го објави списокот за последните две средби од квалификациите за ЕП 2026 против Македонија и Белгија.

Германките веќе се пласирани, па Гаугиш може да си дозволи експерименти и да не смета на најдобрите ракометарки. Одмор ќе добијат Емили Вогел, Виола Лојхтер, Аника Лот, Сара Вахтер, бремената Ксенија Смитс…а голманката Катарина Филтер ќе брани само против Белгија. Против Белгија требаше да игра и средниот бек Алина Гријселс, но таа утре ќе дојде во Скопје и ќе игра и против Македонија.

Аиме Вон Переира и Марике Томајер се враќаат од повреди, а Гаугиш ќе им даде шанса против Македонија на пет дебитантки – четири од нив го освоија златото на младинското ЕП во Црна Гора минатото лето, крилата Кјара Рор и Јана Валтер, како и бековите Марлен Тучолк и Лара Добле. Дебитант на голот на Германија ќе биде Лора Куске од Турингер.

Единствена интернационалка е Вон Переира од данскиот Копенхаген, додека сите други доаѓаат од германските клубови. Меѓу нив ќе биде и 37-годишното лево крило, Антје Дол, ракометарка на Некарсулмер, која работи како полициска инспекторка, но и покрај тоа Гаугиш и ја дава довербата на теренот.

Натпреварот меѓу Македонија и Германија се игра в среда од 18:00 часот во СЦ „Борис Трајковски“, а овој состав на светскиот вицепрвак може да биде „меч со две острици“. Иако Германките ќе ги немаат најдобрите, сепак младите и дебитантките ќе сакаат да се докажат пред селекторот, па сигурно дека задачата на Македонија нема да биде полесна, туку напротив.

За нашите ракометарки остануваат шансите за пласман на ЕП 2026, а повеќе детали како може да стигнеме на континентален собир прочитајте ТУКА.

Германија е прва со осум бода, Словенија има четири на второто место, Македонија е трета со два бода, додека Белгија е на четвртото место со исто толку.

Состав на Германија:

Мари Веис (Мецинген), Лаура Куске (Турингер), Јени Беренд (Олденбург), Јана Валтер (Лајпциг), Нина Енгел (Бенсхајм), Лара Добле (Гепинген), Марике Томајер (Бенсхајм), Алина Гријселс (Борусија Дортмунд), Нике Куне (Бломберг), Аиме Вон Переира (Копенхаген), Лена Дегенхарт (Бенсхајм), Дана Блекман (Борусија Дортмунд), Антје Дол (Некарсулмер), Кјара Рор (Хановер), Лиса Антл (Борусија Дортмунд), Мари Штефен (Олденбург).

Тимот на Охрид го оствари најголемиот клупски успех на меѓународна сцена со пласманот во полуфиналето на ЕХФ Европскиот Куп.

Ривал на Охрид ќе биде словенечкиот Целје, првиот натпревар е веќе закажан за 25 април во „Златорог Арена“ со почеток од 19:00 часот.

Домаќинот веќе ги пушти и влезниците во продажба, а Македонците во Словенија се мобилизираат за групно следење на мечот и навивање за Охрид.

Цените на билетите се 12 евра, од 19 април до 24 април ќе чинат 15 евра, додека на денот на мечот доколку има останато билети ќе чинат 18 евра. Може да се купат ТУКА.

Реваншот меѓу Охрид и Целје ќе биде на програмата на 2 мај во СРЦ „Билјанини Извори“.

Европската ракометна федерација ги делегираше официјалните лица за натпреварите од последните две кола од квалификациите за ЕП 2026.

Македонија ја очекуваат домашен натпревар против Германија на 8 април и гостувањето кај Словенија на 12 април.

ЕХФ ги делегираше Италијанките Симона Станку и Алехандра Пепе за пресметката со Германија во СЦ „Борис Трајковски“, а делегат ќе биде Сиврикаја од Турција.

На последниот натпревар против Словенија, правдата ќе ја делат Босанките Татјана Праштало и Весна Балван, додека делегат ќе биде Јанка Стасова од Словачка.

Македонија е во трка за место на ЕП 2026, а повеќе детали како нашите ракометарки можат до ново големо натпреварување прочитајте ТУКА.

Денеска во центарот на вниманието на македонската јавност ќе бидат натпреварите во Скопје меѓу Македонија и Германија од квалификациите за ЕП 2026 и во Битола меѓу Еурофарм Пелистер и Охрид од суперлигашкиот плеј-оф.

Иако двете средби ќе се играат во ист термин, љубителите на ракометот ќе имаат можност да ги следат двата меча низ ТВ пренос на МТВ.

Дамите се во трка по место на ЕП 2026, најверојатно преку третото место ако не направат изненадување против Германија или Словенија. Повеќе детали за шансите на Македонија прочитајте ТУКА.

Избраничките на Кристијан Грчевски денеска ќе се соочат со светскиот вицепрвак Германија, а гостинките ќе дојдат со втор состав во кои ќе има пет дебитантки, но и неколку искусни ракометарки. Мечот се игра во СЦ „Борис Трајковски“, а влезот е слободен.

Германија е прва со осум бода и веќе пласирана на ЕП, Словенија има четири, додека Македонија и Белгија по два. Ако Словенките слават на гости кај Белгија, тогаш ќе го потврдат второто место на табелата во случај и Германија да победи во Скопје.

Во истовреме во салата „Боро Чурлевски“ ќе играат шампионот Еурофарм Пелистер и Охрид, кој е важен во битката за второто место, ако се знае дека Вардар има осум бодови предност на првата позиција на табелата.

Охрид е во добар моментум по пласманот во полуфиналето на ЕХФ Европскиот Куп, но шампионот исто така е во добар ритам по поразот од Вардар и може да се надева на триумф и бодови со кои ќе продолжи да му „дише во врат“ на големиот ривал од Скопје.

ДЕНЕСКА НА ТЕРЕНИТЕ: 

18:00 МАКЕДОНИЈА – ГЕРМАНИЈА (КВАЛИФИКАЦИИ ЗА ЕП)
18:00 ЕУРОФАРМ ПЕЛИСТЕР – ОХРИД (МАКЕДОНИЈА)
14:00 УКРАИНА – ШВЕДСКА (КВАЛИФИКАЦИИ ЗА ЕП)
14:45 ГРЦИЈА – ШПАНИЈА (КВАЛИФИКАЦИИ ЗА ЕП)
18:00 ИЗРАЕЛ – АВСТРИЈА (КВАЛИФИКАЦИИ ЗА ЕП)
20:00 ФАРСКИ ОСТРОВИ – ИСЛАНД (КВАЛИФИКАЦИИ ЗА ЕП)
20:10 БЕЛГИЈА – СЛОВЕНИЈА (КВАЛИФИКАЦИИ ЗА ЕП)
18:45 КЕЛЦЕ – ПИК СЕГЕД (ЛИГА НА ШАМПИОНИ)
20:45 НАНТ – ГОГ ГУДМЕ (ЛИГА НА ШАМПИОНИ)
18:00 РОМАНИЈА – НОРВЕШКА (ЕХФ ЕВРО КУП)
18:00 СЛОВАЧКА – ПОЛСКА (ЕХФ ЕВРО КУП)
18:00 ТУРЦИЈА – УНГАРИЈА (ЕХФ ЕВРО КУП)

Женската репрезентација на Македонија губи на паузата од Германија со 19-14 во натпреварот од 5 коло во квалификациите за пласман на ЕП 2026. Со пораз Македонија и натаму останува во игра за место на континентален собир, но ќе се брои гол-разликата во последното коло.

Гостинките отворија со водство од 2-0, па 4-2, пред голманката Веис да одбрани и пенал на Ризоска. Сепак во продолжение од мечот два напади со голови заврши Стефаноска за 4-4 по десетина минути игра.

Но потоа се намножија техничките грешки во нападот и Германија успеа да ги казни сите да отиде на плус пет, 12-7. Селекторот Грчевски ги промени ракометарките на бековските позиции, но немаше преголем ефект.

По дваесетина минути игра беше 15-9, па Грчевски мораше да побара тајм-аут. Седлоска намали со проектил на 15-10. Немаше идеја во нападот, тоа беше причина за изнудени удари, а грешките беа казнети со лесни голови во контра и веќе беше 18-10.

Црната серија ја прекина Кипријановска со гол од пенал за 18-11, а потоа Џатевска вторпат беше исклучена па и Германија лесно погоди. Беше 19-12, пред Кипријановска да намали со одличен пробив да погоди, а Ангела Јанкуловска да стави точка на првиот дел со гол од далечина за 19-14.

Македонија е во игра за пласман на ЕП 2026, а повеќе детали за тоа како може да стигне до ново учество на континентален собир прочитајте ТУКА.